Cada ano, coas primeiras duiras (esas primeiras chuvias fortes que arrastran todo canto atopan polos camiños), a vlllas e as fontes de Cee presentan unha auga turbia. Así o denuncia o BNG ceense, que vai trasladar unha queixa á Mancomunidade de Fisterra, a que xestiona o sistema de abastecemento auga potable, para que analizar se se pode tratar problema na captación do embalse e posterior tratamento na estación depuradora.

O grupo opositor cre que a mala ordenación urbanísitca pode ademais “crear roturas en canalizacións e/ou filtracións non desexadas desde o antigo vertodoiro no monte de O Son, tanto bacteriolóxicas como químicas”. Por iso pide que se fagan “análises periódicas das augas das fontes onde a veciñanza se serve acotío para non ter que beber a auga que ven do embalse de Santa Uxía, e publicar esa información en bandos no taboleiro de anuncios da casa do concello e nas redes sociais”.