Imprimir

Carballo, entre as 10 cidades europeas de menos de 100.000 habitantes con mellores prácticas ambientais

Redacción | 12 de xuño de 2020

vista_aerea_carballo_
vista_aerea_carballo_
  •  

O aforro enerxético dun 80% en alumeado público, o proxecto “Cicl-Ando Carballo”, ou “Carballo sostible: enerxías renovables e eficiencia enerxética dos edificios públicos” son algunhas das razóns polas que o Concello de Carballo vén de colocarse no Top 10 das cidades europeas de 20.000 a 100.000 habitantes con mellores prácticas ambientais.

Carballo acadou o 8º posto entre as 18 cidades seleccionadas como candidatas ao premio Folla Verde Europea (European Green Leaf 2021). O concello bergantiñán acadou moi boas valoracións nalgunhas das seis áreas temáticas, aínda que destaca o 4º posto na de Residuos e Economía Circular, enmarcado na Axenda2030.

En canto a mobilidade urbana sostible, as accións mellor valoradas están relacionadas co fomento da mobilidade peonil (como o Pedibús; a redución da velocidade urbana a 30Km/hora e as iniciativas para facilitar o aparcamento mediante a zona azul e os convenios con particulares para crear grandes bolsas no centro urbano. Así mesmo, a elaboración da Estratexia para a mellora do espazo público e a mobilidade urbana recibiu moi boa valoración.

Así mesmo, os expertos poñen Carballo Limpo como exemplo de integración social, laboral e respecto medioambiental, e que ten moi boas valoracións para ser incluído no Manual de Boas Prácticas da Unión Europea.

Novas relacionadas

Podes ver este artigo na próxima dirección /articulo/carballo/carballo-10-cidades-europeas-menos-100000-habitantes-mellores-practicas-ambientais/20200612145350119964.html


© 2020 que pasa na costa

COPYRIGHT 2019 QUE PASA NA COSTA

Banner xunta axudas copia