Venres. 29.03.2024
El tiempo

Carballo acada as cifras máis altas de solicitudes de licenzas para naves industriais dos últimos 20 anos

Nave en construcción no polígono de Bértoa.
Nave en construcción no polígono de Bértoa.
Carballo acada as cifras máis altas de solicitudes de licenzas para naves industriais dos últimos 20 anos

No primeiro semestre deste ano presentáronse a través do Rexistro Xeral do Concello de Carballo solicitudes de licenzas para a edificación de 11 vivendas unifamiliares. A cifra mantense en niveis semellantes aos do ano pasado, xa que en todo o 2019 foron tramitados 21 permisos. Mais a pesares destes niveis baixos en canto a vivendas unifamiliares, en naves industriais ocorre todo o contrario, xa que dende o 2017 o Concello está nas cifras de licenzas máis altas en vinte anos.

No trienio 2017-2019 Carballo recibiu solicitudes para a construción de 63 naves no parque empresarial de Bértoa (nos anos centrais do boom inmobiliario, 2005-2007, acadáranse as 55), e no primeiro semestre deste 2020, malia o estado de alarma, contabilizáronse 6. O nivel de ocupación do polígono supera con creces o 80%, e as parcelas que quedan son pequenas, o que imposibilita a implantación de grandes proxectos empresariais á espera de que por parte da Xunta de Galicia se desenvolva a anunciada ampliación. Para este ano está comprometida por parte da Administración autonómica a redacción do proxecto e a adquisición do solo.

A actividade comercial e empresarial fóra do polígono tamén é elevada, como demostran as 257 comunicacións previas de inicio de actividade tramitadas no trienio 2017-2019. Este ano a cifra é inferior á media dos tres anteriores, pero aínda así no primeiro semestre contabilizáronse 27. Entre os anos 2009 e 2019 tramitouse a posta en marcha de máis de mil empresas no noso concello.

Comentarios