Catro feridos tras un forte accidente en Dumbría
20:37 19/01/18
Catro persoas resultaron feridas nunha colisión entre dous coches en Dumbría. O accidente ocorreu na AC-552, a dous quilómetros de Dumbría, á altura da planta de formigón, ao fío das 18:00 horas deste venres 19 de xaneiro.
Nese momento, dende o 112 Galicia enviaban ao lugar ao 061-Urxencias Sanitarias, á Garda Civil de Tráfico, aos Bombeiros de Cee, a Protección Civil e ao servizo de mantemento da estrada. Foi necesaria a chegada dunha terceira ambulancia dende Mazaricos para trasladar aos feridos aos hospitais de referencia.
Fonte
- Axega