Venres. 29.03.2024
El tiempo

Comezaron, por fin, as obras de humanización da Ponte do Porto

Comezan as obras da Ponte do Porto
Comezaron, por fin, as obras de humanización da Ponte do Porto

Pasou ano e medio despois do anuncio, e mesmo tivo que explicar o atraso aos veciños. O estado de alarma provocou unha nova demora, pero esta semana, a Deputación puido poñer comezo ás acondicionamento da travesía da Ponte do Porto.
Os técnicos do servizo de Vías e Obras da Deputación da Coruña visitaron hoxe a zona xunto coa alcaldesa de Camariñas, Sandra Insua, como paso previo ao inicio da obra.

As obras, que contan cun orzamento de 400.446 euros, mellorarán a seguridade vial e a accesibilidade, realizando unha renovación integral do entorno da Ponte do Porto, cambiando integramente as beirarrúas, e creando zonas axardinadas e instalando nova iluminación e mobiliario urbano. Farase ademais un fresado da capa de rodaxe da estrada e a posterior reposición do pavimento con cinco centímetros de mestura bituminosa en quente.

Para humanizar o paseo da ría colocaranse árbores e bancos de pedra granítica, substituiranse os farois por uns novos de características similares aos xa existentes e disporanse novas luminarias empotradas ao longo do paseo de tecnoloxía LED.

Así mesmo, limparase con agua a presión o muro e a varanda, logrando deste xeito un aspecto renovado.

Segunda fase

Xa está rematada a redacción do proxecto técnico para a segunda fase das obras, que mellorará no futuro un segundo tramo que vai do punto quilómetrico 0+330 ao 0+740, unha lonxitude de 410 metros, cun investimento adicional de 493.156 euros.

Máis obras

Obras na rua Seara de Camarias

O Concello comeza as obras de reparación e asfaltado da rúa Seara e das súas travesías. A actuación, que conta cun orzamento de preto de 40.000 euros, permitirá reparar e reasfaltar o pavimento da zona.

Doazón

Onte fíxose entrega da doazón aos voluntarios de AVPC Protección Civil Camariñas da achega económica que terían que recibir os concelleiros e concelleiras da corporación pola asistencia á sesión e que suma un total de 1.300 euros.

Doazón_ProtecciónCivil
No acto de entrega, ademais da alcaldesa de Camariñas, Sandra Insua, o portavoz do PP, Mauricio Aufiero; e a portavoz do BNG, Ilva Carril, estiveron o presidente da Agrupación, Manolo Mouzo, e o seu tesoureiro, Jose Manuel Tedín.

Novas relacionadas

Comentarios