Aproveitamos unha queixa pública nas redes sociais dun dos meirandes expertos en arqueoloxía subacuática, como é MIguel San Claudio, para alzar a voz contra unha morte lenta. Falamos do Museo Seo de Corcubión, un proxecto inaugurado no 2000, e que fomenta o tesouro cultural do mar.

A Fundación Castro-Rial instalouno no edificio dunha antiga fábrica de salgadura do século XIX na zona de Quenxe, a súa arquitectura, con espazos abertos e pechados, é en si mesma, un tesouro. Pero é que ademais acolle máis de 1.000 pezas relacionadas coa vida marítima e mariñeira da Costa da Morte. Mastros, candeeiros, grillóns, hélices, áncoras, embarcacións, sistemas de pesca, bitácoras, periscopios ou a exposición de maquetas de barcos realidos por un artesán da zona que tamén é espectacular.

O caso é que leva moitos anos (dende que no 2009 houbo un intento por darlle vida) esmorecendo, tanto o edificio, como as pezas que acolle, sen que administracións, nin os responsables do mesmo fagan nada. A case finada Asociación Neria recibía a adxudicación no 2010, e a realidade é que o Museo, lonxe de levantar cabeza, está máis sepultado que nunca.

”No dejaré de lamentar (al menos hasta que se ponga remedio) la calamitosa situación del Museo del Mar del Seno de Corcubión. Para mí el mejor museo marítimo de Galicia (respetando a todos los demás, claro) en su sector... Es tan lamentable…”, dicía onte Miguel San Claudio, que lamentaba as “mil iniciativas peregrinas y vacías de contenido…“ creadas ao arredor.

Un lamento compartido con outra voz relevante no mundo do mar da Costa da Morte, o mariño mercante David Trillo Gallego, que lamentaba como se están a perder “escritos, documentación, diarios, cadernos de bitácora dos antigos barcos da Sicar e dos primeiros barcos de marea”, que tiñan que estar sendo escaneados e arquivados dixitalmente para non se perder… “Todo un patrimonio cultural” finado.

A do Museo Arqueolóxico da Costa da Morte é unha histórica petición, rexeitada en varias ocasións polas administracións, lembremos, unha das zonas máis ricas do mundo en materia de pecios e naufraxios. E por que non recuperar este?
Dende aquí mantemos a esperanza, que a boa experiencia que tiveron investigadores europeos durante a súa visita costeira no proxecto Forseadiscovery, sirva para continuar ca idea de convertir á Costa da Morte nun verdadeiro referente mundial en arqueoloxía submariña. Materia prima temos abonda.

En teoría o Museo debería estar aberto de martes a sábado de 10:00h a 13:00h e de 18:00 a 20:00h, pero chamamos ata a 5 números que aparece na rede, e ningún se atopa dispoñible, nin o da propia Asociación Neria, e mesmo algún que sae en primeira plana do Google é dunha casa particular do arredor…

Novas relacionadas

• Investigadores europeos destacan a riqueza dos pecios da Costa da Morte.
• 2014: Pechado o museo Seno de Corcubión, adxudicado á Neria.
• 2011: Non ao Museo subacuático da Costa da Morte.
• 2009: Recuperando o Seo de Corcubió.

Outras novas

• Localizan a campá do carboeiro italiano naufragado no Vilán en 1893.
• Localizan o pecio das Dúas Catalinhas nas rochas de Camariñas.
• Localizan o outro Cemiterio dos Ingleses nos montes de Camelle.
• Os mapas de naufraxios de Pepe de Oleghario. Uns verdadeiros tesouros.
• A Gabarra Prima espera auxilio.
• Malpica lembrou cun libro o 125 cabodano do naufraxio do Priam.
• De pecios ou tesouros submariños.
• Camariñas entregou as Flores da Memoria aos náufragos do Serpent.
• Cando naceu o nome da “Costa da Morte”? Un estudio de Rafael Lema.
• Os Naufraxios da Costa da Morte protagonistas dunha documental de Cuarto Milenio.
• Os 500 naufraxios da Costa da Morte.
• Costa da Morte, marco perfecto para o Necroturismo.
• As anécdotas de 454 naufraxios na Costa da Morte nun libro.
• O Naufraxio de Laxe celebrou a súa declaración como Festa de Interese Turístico con máis emoción que nunca.
• Lema Suárez estréase coa súa primeira novela de piratas “Costa do Solpor”.
• 4 novos tesouros en forma de pecios na augas da ría de Corcubión.

Fonte

• Redacción de QPC ([email protected]).