Imprimir

A Costa da Morte perde case todo o emprego conseguido na campaña de verán

que pasa na costa | 02 de outubro de 2019

Datos paro de setembro 2019 na Costa da Morte
Datos paro de setembro 2019 na Costa da Morte

Saíron hoxe os datos do par do mes de setembro. E os datos volven ser bastante desesperanzadores. 9 concellos dos 16 que compoñen a enquisa teñen menos paro que en xuño, pero con cifras moi pequenas. O que máis cae é Camariñas, que ten 39 desempregados menos, coincidindo co inicio da tempada alta de producción en Cerdeimar (que aumenta as contratacións nestas datas para asumir a demanda de cara as datas de nadal).

O resto de concellos con menos paro non reducen máis que en decenas o listado de demandantes de emprego. Destacan Coristanco (-25), Cee (-12) e Fisterra (-11).

Na banda contraria, resulta chamativo o dato de Carballo, onde o paro aumentou en 46 desempregados, seguido por Dumbría con 15 e Mazaricos con 11 parados máis.

Renda Dispoñible

Esta é a media por habitante e ano (dato máis recente: 2017) en base ao IRPF (as declaracións a Facenda) da Renta Dispoñible dos nosos concellos:

Datos Renda Setembro 2019 na Costa da Morte

Cee e Corcubión estáncanse (son os que maior renda teñen). Carballo é o terceiro por renda, pero con 5 veces máis poboación que o seguinte. Fisterra e Camariñas amosan un maior incremento de renda que o resto (casi o dobre que os demais), pola reactivación do mercado inmobiliario e o cambio de paradigma económico (evolución do sector primario ao sector servizos).

Corcubión é o concello con maior renda e Mazaricos coa menor (4.000 euros menos).

A nivel estatal, o Concello con maior renda media dispoñible por habitante e ano en España é Pozuelo de Alarcón (Madrid) con 53.185€/persoa/ano.
O que menos, Zahinos (Badajoz) con 10.584€/persoa/ano.
 

A media nacional é de 21.834€/persoa/ano, 3.631 euros por enriba do concello con maior renda da bisbarra e 7.635€ por enriba do de menor renda.

Outras análises económicas de Louzán

Un artigo impactante de Louzán

Podes ver este artigo na próxima dirección /articulo/costa-da-morte/costa-da-morte-perde-case-todo-emprego-conseguido-campana-veran/20191002140248113578.html


© 2019 que pasa na costa

COPYRIGHT 2019 QUE PASA NA COSTA