Venres. 29.03.2024
El tiempo

Dous positivos por alcohol tras sufrir sendos accidente en menos de 24 horas

  • "Velocidade e alcohol están detrás da maioría de sinistros viais que estamos tendo na desescalada", recoñece a Garda Civil.
Accidente producido por alcolemia
Dous positivos por alcohol tras sufrir sendos accidente en menos de 24 horas

Ficaron sorprendidos os propios axentes do Equipo de Atestados do Subsector de Tráfico de A Coruña ao detectar que en dous accidentes na comarca, acontecidos durante o pasado domingo 31 de maio, ambos condutores daban positivo por alcolemia.

O primeiro sinistro acontecía no k.35 da AC-552 a altura de Carballo. Tras unha saída de vía, condutor daba o doble do permitido (0,51 e 0.59mg/l en aire espirado), quedando como investigado, e sendo o atestado remitido ao Xulgado de Instrución Nº3 de Carballo.

O segundo accidente acontecía en Muros, na AC-550, e foi unha maniobra de marcha atrás imprudente a que provocou o accidente batindo con outro coche. Ambos condutores resultaron ilesos, pero o condutor que provocaba o accidente daba 0,68 e 0,74mg/l nas probas de alcolemia. Fica investigado por un delito contra a seguridade vial por conducir baixo os efectos das bebidas alcohólicas.
Ademais, a Benemérita comprobou que o condutor era reincidente, pois xa dera positivo dous días antes, o 29 de maio. O atestado foi remitido ao Xulgado de Muros.

A Garda Civil tamén dou conta de dous accidentes semellantes, con sendos positivos, entre Oleiros e Sada, e na AP-9 preto da Coruña.

Comentarios