Xoves. 28.03.2024
El tiempo

O Ecomuseo Forno do Forte ofrecerá obradoiros de barro para nenos e nenas durante todo o verán

Obradoiros de Barro na Oleria de Buno no Ecomuseo do Forno do Forte
O Ecomuseo Forno do Forte ofrecerá obradoiros de barro para nenos e nenas durante todo o verán

Despois da boa acollida das actividades incluídas na campaña ¡Hola cerámica!, o Ecomuseo Forno do Forte pon en marcha unha nova iniciativa para seguir achegando a olería a un público cada vez máis amplo. Nesta ocasión os destinatarios serán os nenos e as nenas, que durante todo o verán poderán participar en obradoiros de barrogratuítos.

Os talleres celebraranse dende o 1 de xullo ata o 31 de agosto, de martes a sábado, e en horario de 16.15 a 18.45. A actividade será grupal, cun máximo de 20 participantes por quenda, polo que as prazas asignaranse por orde de chegada.

Os obradoiros de barro, organizados polo Concello de Malpica coa colaboración da Deputación da Coruña, teñen como finalidade poñer en valor a nosa olería entre os máis pequenos e fomentar a súa creatividade.

Novas relacionadas

 

Comentarios