Continúa a batalla contra os poderosos xigantes eólicos na comarca. Despois de elevar as queixas polo parque eólico das Salgueiras á Valedora do Pobo, a veciñanza volve denunciar o proceso de expoliación do noso patrimonio natural, apoiado pola inacción do Concello pontecesán.

A realidade é que só o impacto visual que comprobamos en pleno corazón do Monte Branco, o mirador máis importante do espazo do Esteiro do Anllóns, dá para facer unha reflexión sobre a invasión dos viraventos nunha zona na que ademais tamén están en marcha o proceso de repotenciación do parque eólico de Corme e o de Pemalsa en Malpica .

Mapa dos parques eólicos da zona de Ponteceso e Malpica

A DIA obsoleta: novos elementos patrimoniais non catalogados

O colectivo esixe a modificación do proxecto pola aparición de novos elementos patrimoniais non previstos na Declaración de Impacto Ambiental presentada en 2016, e realizado durante o 2011. Non entende a plataforma que se aprobe en 2020, e en plena pandemia, un proxecto tan grande coma este, e valoran que os cambios de numerosas leis de protección ambiental ratificarían unha necesaria reforma do DIA.

O colectivo enviou unha serie de documentación realizada pola Plataforma pola Recuperación do Sar e Colectivo A Rula ás administracións (tamén ao Concello, pero sen atopar resposta) á propia Valedora do Pobo para sinalar o impacto ambiental e paisaxístico nunha zona hiperprotexida, sinalando ademais elementos patrimoniais concretos que serán afectados polos camiños de acceso ao parque, como o Cuceiro das Travesas, a a Mámoa de Monte Carballa, a antiga Capela de Santo Hadrián, ou o Petroglifo de Santo Adrián Vello. De igual xeito, o proxecto tamén afecta varios elementos que aínda están sen catalogar, como son o Camiño Real das pescas entre Corme e o Couto, o Cruz das Salgueiras, ou o Carrozo Románico.
De feito, os colectivos deron traslado á Dirección Xeral de Patrimonio Cultural da Consellería de Cultura destes novos elementos, que deberían estar recollidos nun novo documento de impacto ambiental.

Así mesmo, os colectivos sinalan que o parque sitúaseen Solo Rústico de Protección de Espazos Naturais segundo o PXOM, polo que estaría infrinxindo a lei urbanística.

Novas relacionadas dos Parques Eólicos de Corme

• Xullo 2020: A veciñanza de Corme eleva as queixas polo parque eólico das Salgueiras á Valedora do Pobo.
• Abril 20: A veciñanza presenta alegacións ao Parque Eólico das Salgueiras.
• 26-03-2020: A veciñanza organízase para presentar alegacións ao Proxecto Eólico das Salgueiras.
• 31-03-2020: Desmontando o parque eólico de Corme en pleno estado de alarma.
• Marzo 2020: Convocan unha reunión veciñal en Corme ante a aprobación da DIA do Parque Eólico das Salgueiras.
• Febreiro 2020: Os veciñ@s afectados polo parque eólico de Corme esixen o pago dos atrasos e dos "vuelos”.
• Novembro 19: "Levamos 19 anos sen saber que un viravento invadira as nosas fincas de Corme”.
• Novembro 19: “Afectados polo Parque Eólico somos todos os veciños de Corme e o seu patrimonio”:

Novas relacionadas cos Parques Eólicos

• Xullo 2020: Lembran á empresa eólica e á Xunta a necesidade de realizar o proxecto arqueolóxico da mámoa do Monte Perrol.
• Xuño 2020: 5 Concellos da zona únense para pedir á Xunta paralización dos trámites de parques eólicos iniciados no Estado de Alarma.
• Xuño 2020: Os veciños propietarios de Corme aseguran o dereito a percibir o 4% da produción do novo parque eólico.
• Maio 2020: Alcalde de Mazaricos: “Non entendo que activen os prazos dos parques eólicos en estado de alarma se non podemos informar aos veciños”.
• Maio 2020: Greenalia rematará antes de final de ano tres parques eólicos en Dumbría e Vimianzo.
• O Cerqueiral, outra ameaza eólica para os montes de Cabana, Coristanco e Santa Comba.
• A veciñanza presenta alegacións ao Parque Eólico das Salgueiras.
• 31-03-2020: Desmontando o parque eólico de Corme en pleno estado de alarma.
• Novembro 19: "Levamos 19 anos sen saber que un viravento invadira as nosas fincas de Corme”.
• O Concello de Santa Comba loita contra a ubicación dos parques eólicos de Castriz.
• Colectivos de 6 concellos da Costa da Morte forman parte da Rede Galega por un Rural Vivo.
• Novembro 19: Santa Comba vestiuse de negro contra o “megaparque” eólico de Bustelo, Campelo e Toural.
• Abril 19: A desfeita das obras do parque eólico de Mouriños na Serra de Gontón, en imaxes.
• Febreiro 18: Regoelle, a tea de araña dos eólicos da Costa da Morte.