Imprimir

#Euquedonacasa: “Por favor, cordura, responsabilidade e respecto”

que pasa na costa | 15 de marzo de 2020

Rúas baleiras na tarde noite de Malpica
Rúas baleiras na tarde noite de Malpica

Hoxe recibimos un comunicado dunha traballadora do sector sociosanitario. Unha muller natural da Costa da Morte, que traballa en Vigo con persoas dependentes. É certo que dende o venres teñen pechado o centro seguindo ás ordes da Xunta, pero esta fin de semaan non puideron, coma sempre fan, achegarse a ver aos seus familiares na Costa por motivos evidentes. Familiares en moitos casos hai persoas moi vulnerables e polas que se senten moi preocupados, pero a responsabilidade faille dicir ben alto ese #euquedonacasa.
A súa situación é aínda máis completa, pois un dos seus familiares directos non pode elixir quedar na casa. Por iso, pídenos compartir este comunicado que apela á responsabilidade de cada un.

”Moita xente vese obrigada a ter que traballar nestes días de cara o público para darnos servizos mínimos. Supermercados, gasolineiras, servizos de reparto, transporte, atención social e sanitaria... entre outros. Por favor CORDURA, RESPONSABILIDADE E RESPETO. Pensemos en todos. Ese grupo de persoas ten no seu domicilio xente maior, xente enferma, vulnerable, dependientes, xente de risco, maiores e non tan maiores. E expoñense sen querelo a contraer esta doenza e consecuentemente arriscar as vidas dos seus achegados máis sensibles e débiles.
Fago un chamamento para que pidades coherencia a xente que vai o supermercado como se se tratase dunha guerra, sen ser conscientes do risco que corren e ser ter en conta o risco o que expoñen os demais. Non imos morrer de fame. Non imos morrer de aillamento. Pero si provocaremos unha situación de imprudencia e irreversible a moitas persoas nas que non pensamos. Por favor, RESPONSABILIDADE.

 

Todas as novas do Coronavirus

Podes ver este artigo na próxima dirección /articulo/costa-da-morte/euquedonacasa-favor-cordura-responsabilidade-respecto/20200315211553118428.html


© 2020 que pasa na costa

COPYRIGHT 2019 QUE PASA NA COSTA

Banner xunta axudas copia