Imprimir

As Festas de San Xoán, que terán dúas fins de semana, xa teñen gañador do concurso de carteis

que pasa na costa | 09 de Maio de 2019

O Rockin Carballo é un dos puntos fortes das Festas de San Xoán
O Rockin Carballo é un dos puntos fortes das Festas de San Xoán

Con boas datas chega este 2019 o San Xoán, que permitirá que unha das festas carballesas por excelencia poida incluír dúas fins de semana. Arrincarán o venres 21 co pregón e rematarán o domingo 30 coa Festa do Bosque. Unhas festas para todos os carballeses, para todos os gustos, pois combina verbenas, concertos, concursos, animación de rúa, espectáculos de todo tipo...

A semana grande durará 10 días, aínda que non todos serán igual de intensos en canto a programación. Como é habitual, os pratos fortes resérvanse para fines de semana e festivos. Teremos catro noites de verbena, os días 22, 24, 25 e 28, e o sábado 29 celebrarase o Rockin' Carballo.

Este ano o festival máis rockeiro reunirá a Vancouvers, Miqui Puig, Los Chicos, Terrier, Thee Blind Crows, Elvis Negro, Playa Desmayo, Cloaca e, como é habitual, Antón DJ para a fin de festa. Os asistentes poderán presenciar as evolucións das bandas do cartel nos dous escenarios dos que constará o evento: desde as 13:00 horas no Escenario Palmeira con sesión vermú a cargo de Miqui Puig, Praia Desmaio e Elvis Negro; e a partir das 19.30 no Rego da Balsa cos concertos de Vancouvers, Los Chicos, Terrier, Thee Blind Crows, Cloaca e pechando a noite Antón DJ. Como sempre, a entrada para os concertos é gratuíta.

Un cartel sobre… avoas

Cervo ilustrador carballes

Este ano o cartel das Festas de San Xoán será especialmente carballés, porque o seu autor é un artista da parroquia de Oza que, ademais, está empezando no mundo da ilustración. O seu nome é Cervo (na foto), e presenta unha proposta cargada de simbolismo que non farán pública ata a presentación do programa das festas pero que xa nos avanzan que representa o empoderamento das avoas e que non ten nada que ver cos carteis dos últimos anos.

Podes ver este artigo na próxima dirección /articulo/carballo/festas-san-xoan-teran-duas-fins-semana-xa-tenen-ganador-do-concurso-carteis/20190509103837109458.html


© 2019 que pasa na costa

COPYRIGHT 2019 QUE PASA NA COSTA