Venres. 29.03.2024
El tiempo

As Costas da Morte en FITUR (IV): Muxía une lazos con Paradores

Intervencion de Iago Toba alcalde de Muxia no stand de Paradores de Muxia
Intervención de Iago Toba alcalde de Muxí no stand de Paradores de Muxia
As Costas da Morte en FITUR (IV): Muxía une lazos con Paradores

Vai rematando esta 40 edición da FITUR, a feira de turismo máis importante do estado. E xa vimos como foi a presentación do Gran Fondo Ézaro e La Vuelta; as intervencións d@s alcaldes/as de Camariñas, Cee, Vimianzo e Muxía (que cedeu parte da súa intervención á asociación Muxía Natural) no stand de Tourespaña, así como a presentación da CMAT, no marco de Turgalicia, do proxecto “4 formas de vivir intensamente a Costa da Morte”.

A última cita tivo acento muxián, e incidencia nacional. Tiña lugar no stand de Paradores, e foi Óscar López, presidente da compañía, o que falou do Parador de Lourido como un “referente de sostibilidade, así como importante contedor para expoñer arte galego, e un espazo para a mellor gastronomía”. “Pura Galicia, puro Atlántico”, destacou do que ten que ser a “bandeira do turismo sostible”.

Lembrou que estará aberto en Semana Santa e deu moita importancia a que o novo director sexa Julio Castro, o fisterrán que despois de moitos anos á fronte do Parador máis emblemático da compañía, o dos Reis Católicos, volve a casa, á Costa da Morte.

O alcalde de Muxía, Iago Toba quixo agradecer a aposta de Paradores por Muxía e explicou como presume da paraxe, de gastronomía, e sobre todo de xentes. “Presumo xa de todo un Parador e dun director moi importante, que garantiza o éxito, porque o Parador de Muxía vai ser unhaq transformación no económico, no turístico e no social”.

Convenio entre Paradores e Muxía Natural

Sinatura do convenio entre Paradores o Concello de Muxia e a Asociacion Muxia Natural
Suso Lema, de Muxía Natural, Iago Toba e Óscar López asinando o convenio de colaboración

A nota máis singular que importante que salientou foi a sinatura dun convenio entre Paradores e a Asociación Muxía Natural. Un convenio impulsado polo propio alcalde para “unir ao parador co pobo muxián, coa nosa vida diaria, unilo ca Costa da Morte”.

Aproveitou o tempo Toba para manter encontros tanto coa Ministra de Turismo, como coa Secretaria de Estado de Turismo, para trasladarlle certas ideas e peticións que beneficien a Muxía.

Iago Toba coa Ministra e a Secretaria de Turismo e o presidente de Paradores

FITUR 2020

Máis crónicas da FITUR

Comentarios