A Gala do Fútbol da Costa-QPC volverá a Malpica en 2021
Era visto. Pero xa podemos anunciar oficialmente que a Gala do Fútbol da Costa - QPC desta tempada 2019/2020 non se vai celebrar. A VII edición terá que agardar por motivos obvios, porque non sabemos se vai poder celebrar un acto multitudinario como este, e porque facer unha entrega de premios sen ter rematado a atemporada non ten sentido.
En todo caso, verémonos en 2021 en Malpica, pois a disposición do Concello ao completo foi excelente. Queremos agradecer a boa vontade do alcalde Walter Pardo, así como dos edís Alfredo Cañizo, Leticia Varela e Daniel García Reigía, xa que todos quixeron apostar por este evento ao concello oleiro.
Agradecemos tamén a disposición da Asociación de Olería de Buño, pois precisamente os xa míticos balóns de barro que usamos como premios, teñen denominación de orixe.
Repaso das Galas
- Gala 2019: O Fútbol da Costa pechou o curso 18/19 na VI Gala QPC.
- Gala 2018: A Gala QPC puxo en Santa Comba o emocionante broche de ouro á temporada do Fútbol da Costa.
- Gala 2017: A emoción, protagonista da Gala do Fútbol da Costa – QPC.
- Gala 2016: Unha Gala para seguir unindo o Fútbol da Costa.
- Gala 2015: O Outes, Iago, e Álex Pombo foron os protagonistas da II Gala do Fútbol da Costa – QPC.
- Gala 2014: QPC entregou os premios do Fútbol da Costa 2013-2014.
- 2013: Presentación do Álbum: A noite das estrellas do Fútbol da Costa.