O primeiro concello que se pronuncia sobre a posibilidade ou non de facer cachelas este San Xoán, é o Concello de Carballo. Acaba de anunciar que si, que haberá cachelas, se ben só en propiedades privadaspoispero estarán prohibidas en espazos públicos e praias.

Haberá que presentar unha Solicitude antes do 22 de xuño, e as cachelas terán que distar un mínimo de 12 metros ás edificacións e árbores, e non poderán ter máis de 4 metros de ancho. A hora límite para rematar a celebración é ás 03:30 horas da madrugada, de acordo co establecido para a celebración de festas e romarías populares.