Desde este luns 24 de xuño e ata o día 2 de xullo, inclusive, as persoas interesadas en cursar algún ciclo formativo de Formación Profesional poden presentar as súas solicitudes nos centros da comarca.

Por exemplo, o IES Secundaria Terra de Soneira de Vimianzo informa do prazo de matricula para os Ciclos Formativos, Medio e Superior, da familia de Administración e Finanzas. Son 2000 horas de formación, equivalentes a dous cursos académicos, que inclúen un período de prácticas laborais en empresas. O IES Terra de Soneira ten asinados convenios de colaboración cun amplo abano de empresas da comarca, o que lle permite garantir ao seu alumnado as prácticas asociadas aos ciclos, así como unha moi alta inserción laboral.

Mentres, a oferta de ciclos formativos do IES Fernando Blanco é a seguinte:

• Ciclo de grao superior de Administración e finanzas.
• Ciclo de grao medio de Instalacións eléctricas e automáticas.
• Ciclo de grao medio de Electromecánica de vehículos automóbiles.
• Ciclo de grao medio de Xestión administrativa..
• Ciclo de grao medio de Mantemento electromecánico.

Novas relacionadas

• O PSdG pide un FP de Soldadura para o IES de Vimianzo ante a demanda do sector do metal e a automoción.
• A Rede de FP Dual espállase entre empresas e alumn@s coa axuda dos ADL.
• A “Aula Maker” do IES Monte Neme trasládase á Cidade da Cultura.