Imprimir

Imos coa ola esperanza!

Manuel Suárez Suárez | Dende Lonxe de Montevideo...

que pasa na costa | 15 de outubro de 2019

A barra do “Rover” está comprometida en sumar vontades para que a Banda Oriental se manteña na senda do benestar logo de tres lustros de goberno honrado. A “Fronte Ampla” debería gañar por goleada pero os medios de comunicación máis importantes son mercenarios ao servizo da oposición que desinforman para que volvan ao poder os seus amados coimeros neoliberais.

- Claudio: A verdade é que che sorprende o ter que andar explicando algo que todos vemos. Non se pode negar, por exemplo, que o Hospital Maciel era un edificio que se caía a cachos. Hoxe está totalmente renovado en instalacións e equipamiento técnico. Se lle preguntas ao votante “blancolorado” non che contesta. Carece de argumentos. O seu é a crítica áceda. Son tan boludos que non se dan conta que repiten as boludeces envenenadas que elaboran os seus deputados e senadores para atalos ao seu carro.

- Flaco: Bueno, é verdade que diariamente che desinforman. É evidente que buscan gañar guita con subvencións e exencións impositivas. Está claro que levan 15 anos apostando sempre en contra da Fronte Ampla. Quéntache que sexan tan dexenerados pero non debemos de dubidar en que a maioría do noso pobo non se chupa o dedo e tampouco masca vidro. A gran maioría quere ter un salario digno que lle permita achegarse, cos botijas, ao “Rover” para morfarse unhas pizzas dacabalo como estas que temos diante. Creo que ao final se impoñerá o bo criterio de recoñecer que estamos moito mellor que en tempos do trío malandra de Julito, Jorgito e Cuqui.

- Gildo: Ta ben, temos que confiar pero é triste que haxa cidadáns que se deixen chamuyar. Acá, creo que non temos tantos nabos como na Arxentina nin tantos infelices como en Brasil. O nabo de clase media que votou a Macri quedouse sen o asado do domingo para axudar ao enriquecimiento do exportador. O infeliz da Seita Macedo que desexaba varrer o mal do seu fogar foi enganado para votar ao seu propio verdugo. Dixéronlle que con Bolsonaro tería un servizo de limpeza exclusiva para que o demo non puidese entrar en ningún membro da familia. Estes votantes non entenden de solidariedade social. O seu voto é para cagar ao veciño que anda con historias sobre unha mellora da distribución dos recursos públicos.

- Don José: Escoiten, sabía que ía saír o tema da manipulación pola prensa e atopei unha frase dun tal Edward L. Bernays. Non se quen é pero o que chama a atención é que isto que vou ler escribiuno en 1928: A manipulación deliberada e intelixente dos hábitos estructurados e das opinións das masas é un elemento importante nas sociedades democráticas. Está claro que a manipulación non é recente pero volveuse universal desde o momento en que se popularizou o uso de aparatiños aos que che chegan as noticias sen que as vaias buscar. O problema está en que en todo o mundo, sexa acá en Cerro Longo ou alá en Burundi ou en Islamabad, nos atopamos con xente que carece de formación previa sobre o estado da cuestión. É dicir que non saben a razón de ter un salario de merda que apenas lles dá para sobrevivir.

- Claudio: É incrible que un goberno que sacou ao país do pozo reciba unha patada no orto por parte de cidadáns que queren volver á dieta do pasto para os menos favorecidos. Non me cabe na cabeza que se queira perder dereitos. Non entendo que se vote para vivir peor. Si pensamos un poquito e usamos o cerebro, o resultado é saír correndo a meter na urna o voto vermello, azul e branco. A opción ”blancolorada” é de terror. En serio queres deixar de ter uns adecuados servizos de educación e sanidade públicos? En serio preferides comer fideos cinco días á semana?

- Flaco: Espero que algúns se aviven de que as certezas están nun cuarto mandato da Fronte Ampla. Un bo indicador negativo é mirar para Arxentina e Brasil. Aqueles que din que as estatísticas son engañosas deberían darse unha volta por Artigas ou Paysandú ou Rocha. Ao saír fóra da capital, comprobas que non se che afunde máis o auto no Paso Manuel Díaz (Ruta 5) cando ías á fronteira a comprar garotos e ticholos para os gurises. Si está ben asfaltado é porque o MTOP inviste a guita dos impostos no teu propio beneficio. En vialidade fíxose moito nestes últimos anos. Antes había camiños de balastro por todos lados que, dous por tres, rompíanche o parabrisas. Hai que ser moi desgraciado para negar que estamos mellor. O cumprimento do programa frenteamplista conseguiu unha gran recuperación en departamentos do interior que os “blancolorados” tiñan no abandono. Claro que se tomas a pastilla é seguro que te porás a putear como tolo en contra do ministro ou do Pepe que anda fodendo coa escola agraria que inaugurou na chacra de Recuncho do Cerro.

- Gildo: Falando do Pepe, gustoume moito cando dixo que “hai que avivar á xente porque temos que conservar o que temos e melloralo”. O asunto de avivar giles non é fácil. Están abducidos do mesmo xeito que os servos dunha seita. Bueno, o certo é que apelando ao odio e ao resentimento conseguen recolectar votos. Si pensamos en Macri e en Bolsonaro (ambos da dereita neoliberal) temos que aceptar que é un método eficaz envenenar ao votante con tres boludeces. Ao convencelo de que foi elixido para morfarse o tarro de doce de leite o tes aos teus pés lambendo os teus zapatos. Non lle fales de modelos económicos! É suficiente con que crea que o tarro de doce de leite é da súa lexítima propiedade porque sempre agarrou a pala.

- Don José: Bueno, botijas, asegúrolles que si a “Fronte” marcha ao spiedo, eu despídome. É insoportable ter que aguantar ao trío de caracagadas formado por Lacallito-Talvito-Caganini nun desgoberno de coalición coimera sobre as bases de que se acabou o pago de impostos para os máis ricos. Non quero morrer ata que Peñarol volva gañar a “Libertadores” pero para iso é necesario que o bo facer frenteamplista se estenda uns anos máis. Estaba pensando en que os católicos deben votar á “Fronte” si seguen o razonamiento do Papa Francisco. É evidente que Jorge de Flores a ten clara. O outro día manifestou que “non hai democracia con fame, nin desenvolvemento con pobreza”, o cal lévanos a que isto é, precisamente, o que está cumprindo a “Fronte” no Uruguai. Todo o que sexa restarlle aos dexenerados Antievangelistas é positivo. Están baleirando os petos dos pobres cunha mensaxe contraria ao Evangelio de Jesús (vén do grego e é boa nova ou noticia) que che traía amor para os desposeídos. Estes asquerosos déronlle volta e usan aos pobres para o seu enriquecimiento persoal. Ponme triste que haxa cidadáns atrapados nesta escura rede de estafadores. Son convertidos en bonecos que se inclinan diante do delincuente que lles lava o cerebro con frases baleiras como a moi repetida de que “Deus é amor”. Faltan uns días para as eleccións e non podemos afrouxar. Hai que poñer cuarta e gritar ben forte: IMOS COA OLA ESPERANZA!

 

Outros artigos dende Lonxe de Montevideo

 

Podes ver este artigo na próxima dirección /opinion/manuel-suarez-suarez/imos-coa-ola-esperanza/20191015100031113952.html


© 2019 que pasa na costa

COPYRIGHT 2019 QUE PASA NA COSTA