Soado foi o problema cas terrazas de Laxe o pasado outono. Os hostaleiros mesmo convocaban unha concentración en proposta polas críticas recibidas pola Xunta, que consideraba unha irregularidade colocar as terrazas en zonas de aparcadoiro da vía autonómica. Finalmente os hostaleiros desconvocaban a manifestación despois de que a Xunta asegurase ía solucionar o problema:

E a solución pasa porque o Concello de Laxe asuma a titularidade e a xestión da AC-429 ao paso polo seu termo municipal. Iso si, despois que rematen as obras de conservación que está realizando a Xunta de Galicia. A Consellería de Infraestruturas actuará esta semana na travesía, na que se realizará o pintado de 8 pasos de peóns ou se mellorará a accesibilidade con rebaixes nas beirarrúas.

Tras a formalización da transferencia desta travesía, que se está tramitando, o Concello de Laxe será a administración responsable da vía e, polo tanto, da regulación da instalación de terrazas

Novas relacionadas

• Novembro 2017: A Xunta asegura que vai asumir a solución aos problemas das terrazas de Laxe.
• 26-10-17: Laxe suspende a concentración polas terrazas á espera da reunión entre o alcalde e o xefe do servizo provincial.
• 25-10-17: Laxe concéntrase polas trabas burocráticas sobre a instalación e mantemento das terrazas

Fonte

• Redacción de QPC ([email protected]).