Venres. 29.03.2024
El tiempo

A Legua, a cativada, e os pinchos irmandiños, quecen motores para o Asalto ao Castelo

Elenco de actores do Asalto ao Castelo de Vimianzo 2019
O Elenco de actores da representación histórico-teatral do Asalto ao Castelo de Vimianzo 2019
A Legua, a cativada, e os pinchos irmandiños, quecen motores para o Asalto ao Castelo

Tralo simbóico izado do Pendón, a familia Irmandiña xa ten en marcha o O Asalto ao Castelo máis musiqueiro. E a semana vén completa, cos cativos e os pinchos, como grandes protagonistas, despois da fantástica Legua irmandiña, pensando xa na gran cita do sábado 6, con festival, feira de artesanía e a gran representación histórico-teatral da revolta irmandiña, o gran distintivo desta festa singular.

Legua

Foi unha cita emocionante a desta pasada fin de semana coa VI Legua Irmandiña. Máis de 250 corredores de todas as idades, a mellor marca da historia da proba, percorreron vimianzo para rematar no foxo do Castelo. Teresa Castro, quen se non, Ana Camafreita e Natalia Rivas foron as irmandiñas máis rápidas, mentres que en homes venceron Amador Pena, Martín Regueira e Cristian Muiño.

Ganador da VI Legua Irmandina 2019

Obradoiros de cativos, preparando o Asaltiño

A tarde do sábado é a gran tarde para a cativada vimiancesa. O Asaltiño porá a proba a valentía dos peque-guerreiros cun taller de elaboación de traxes a partir das 16:00h, a concentración da tropa ás 17:00h na praza, e a gran batalla no foxo do castelo ás 17:15.

Para quentar motores, Máis de medio cento de nenos e nenas dende os 3 anos participan nos obradoiros medievais da Semana do Asalto. Uns talleres para seguir vinculando os diferentes espazos históricos presentes en Vimianzo vinculados con esta época histórica facendo unha aproximación aos estamentos que os habitaron. Dunha forma principalmente lúdica optouse pola presentación dos devanditos estamentos mediante a contextualización e a asunción de roles.

obradorio medieval no Asalto ao Castelo de Vimianzo

Pinchos irmandiños

O que serve para que os maiores quecemos forzas, e vaiamos tomando conciencia de festa é a ruta dos Pinchos Irmandiños. 14 establecimentos xa teñen as súas propostas con produtos medievais que te deixará ca boca aberta.

Pinchos Irmandinos do Asalto ao Castelo

Novas relacionadas

Comentarios