Unha semana antes do Encontro do lixo Mariño, que se celebra este mesmo sábado no Couto, un grupo de bravos loitadores contra o lixo, xuntáronse na pequena Praia de Talón, en Fisterra, ese embudo onde polo efecto das correntes e dos ventos, convírtese cada inverno nun espeluznante foco de atracción plástica. Durante varias horas, 4 adultos, 4 nenos e un par peregrinos e un turista que se sumaron á sesión, estiveron recollendo centos de kilos de lixo do areal. Este ano ampliaron o radio de acción ata a zona de vexetación dos cantís, pero é que cada inverno, “o mar traballa moito”, como recoñece Sole Méndez, unha das “Garbage Warriors”. Bolsas de plástico da compra, envases de comida e bedida, bandeixas de aluminio e polietileno, palliñas, latas de bebida, botellas de refresco, restos de cristais de botellas de viño, champan e cervexa, así coma cabichas e algún paquete de tabaco, bastoncillos dos oídos, cepillos de dentes, aplicadores de tampóns, envases de preservativos e outros envases de hixiene (tubos de pasta de dentes, desodorantes, champús, cosméticos…), peines, zapatos e sandalias, cepillos de fregar, chisqueiros, xoguetes e cartuchos de escopeta entre outros prásticos dificiles de identificar… Tremenda a cantidade de restos que chegan ao mar dende a terra. Pero tamén dende o sector pesqueiro como caixas, redes enmarañadas, cordas, estachas, restos de nasas, alcatruces, etiquetas prásticas, sedales, caixas de cebos, tubos luminosos, bidóns de aceite e outros restos líquidos indentificables, gomas, guantes, botas de auga e moito material utilizado en acuicultura como cestas de cultivo de ostras e cantidades inxentes de paus das cordas do cultivo de mexilón. Todo o material foi recollido polo Concello con bastante rapidez. Así e todo, ”non podemos esquecer os milleiros de microprásticos que permanecen de xeito permanente e que intentamos desesperadamente ir eliminando. Asi coma os restos de chapapote solidificado”, explica.

Novas relacionadas

• 2017: Mar de Fábula e a FEP únense no II Encontro do Lixo Mariño.
• O lixo mariño desaparece da zona marisqueira da Basa.
• Mar de Fábula e os mariñeiros únense para limpar un coído en Camariñas
• “Se depositamos os bastonciños nunha papeleira, evitamos que chegue ao mar un dos dez primeiros contaminantes”
• Pequenos cambios, grandes resultados.
• 300 kg de lixo mariño que nunca volverán ao mar.
• Salvamento de lixo en Punta Caghada.
• Mar de Fábula e RetoqueRetro expoñen no CEIDA a mostra “Cos Pés na Area”
• A ensenada do Coído de Touriñan relucirá de novo, agora si, grazas a Mar de Fábula
• As criaturas caóticas de Mar de Fábula chegan á praia de Ariño
• Mar de Fábula recolle 560 bastonciños de algodón en cen metros de praia
• O impacto ambiental dos bastóns de algodón
• Mar de Fábula e as mariscadoras recuperan a enseada da Basa
• Os voluntarios de Mar de Fábula curan a ferida plástica do Coído de Touriñán
• Unha fábula moi ecolóxica.
• A Costa móllase polas súas praias.
• A veciñanza salva os areais.
• Limpeza Simultánea 2013: Limpando praias e conciencias.
• Plásticos que invanden areais.
• Loitando contra a invasión do plástico.
• Crebas en forma de tartaruga e chapapote en Fisterra.

Fonte 

• Redacción QPC ([email protected])