Venres. 29.03.2024
El tiempo

Luar na Lubre sumérxese nos bosques de Dumbría co Vákner

Luar na Lubre en Dumbria
Luar na Lubre presenta o avance do seu novo disco con influencia costeira
Luar na Lubre sumérxese nos bosques de Dumbría co Vákner

En plena corentena, son moitas as bandas que aproveitan para publicar os seus novos traballos. É o caso de Luar na Lubre, que volve cunha aposta chea de Costa da Morte. Xa presentaron no Luar como soa o novo traballo, e este venres estrean na rede un dobre adianto do seu novo álbum, “Vieiras e vieiros. Historias de peregrinos”.

Un dos temas escollidos para presentar o proxecto é o “Mártiros e o Vákner”, que aborda a lenda do peregrino armenio nos montes de Dumbría e que se está convertíndose en motor turístico do Camiño Fisterra-Muxía. O tema “Benvidos”, coa voz de Miguel Ríos por primeira vez en galego, completa o avance deste 19º disco da banda.

Un traballo que explora os escritos, as lendas, as sonoridades e as pegadas que os peregrinos deixaron a través dos múltiples sendeiros que conforman o Camiño de Santiago ao seu paso por Galicia. O disco conta co apoio da Xunta de Galicia a través do programa O teu Xacobeo.

Os singles están dispoñibles desde hoxe nas plataformas dixitais (Spotify, Amazon, iTunes, Deezer e Tidal).

Vakner de Luar na Lubre

Novas culturais para pasar a #Corentena

Novas do Vákner

Novas de Luar na Lubre

Comentarios