Despois do Faladoiro Oleiro, o Concello de Malpica colle gusto a estas conversas e repite hoxe xoves, 28 de maio, ás 20.00 h, co Faladoiro en liña e en directo en clave de igualdade “Os Malestares de Xénero”. Unha cita co gallo do Día Internacional de Acción pola Saúde da Muller.

Neste faladoiro, impulsado pola Concellaría de Igualdade de Malpica de Bergantiños e organizado por Asociación Visibles, analizouse “como actúan os mandatos socio-patriarcais en todas as etapas do ciclo vital das mulleres, alexándonos así da posibilidade de gozar dunha saúde integral óptima”.

Participaron Lola Ferreiro (investigadora e licenciada en medicina e ciruxía) e Beatriz Guerra (psicóloga experta en igualdade e violencia de xénero).

O evento retransmitiuse pola canle de youtube: Igualdade Malpica.

Novas relacionadas

• A Olería de Buño comeza cos Faladoiros de Barro na rede.
• Faladoiros feministas na rede: “É urxente que se leven adiante políticas reais e efectivas de conciliación e de coidado das persoas maiores”.