Este vindeiro domingo 19 de xullo, ás 11:00 horas, a Asociación Mar de Fásbula retoma, máis necesarios que nunca, os seus traballos de limpeza e coidado do mar e da súa ribeira. Faino despois de realizar, tamén, unha serie de obradoiros medioambientais coa cativada.

Coas medidas de protección axeitadas a este tempo de post-pandemia, con rebrotes aínda, o voluntariado que se anime vai apañar o lixo mariño espallado nos coídos de Coenda e no Corno. Nesta tarefa contarán, coma sempre, co apoio loxístico do concello de Camariñas.

O lugar de encontro, será na estrada que leva ao Cabo Vilán, no desvío cara a Reira.

Hai prazas limitadas a 20 participantes que se cubrirán por orde de inscricción no correo [email protected] ou no 608609042.
Todos os voluntarios deberán levar máscara e luvas (de traballo).

Novas relacionadas

•  Xuño 2020: Mar de Fábula retoma a actividade medioambientais
• Xosé Manuel Barros: A invasión do coronavirus e das criaturas caóticas.
• Febreiro 2020: O voluntariado de Mar de Fábula e Comarea rescata 38 sacos de lixo do Coído de Touriñán