En marcha o I Torneo Infantil de Xadrez Mostra do Encaixe de Camariñas
Medra como a escuma o xadrez por Camariñas. A irrupción do Xadrez Club Náutico Camariñas está servindo de gran acicate para que este deporte, que viviu un auxe ao longo destes últimos 5-10 anos ao outro lado da ría, dende Touriñán, agora agrome á luzo do Faro Vilán.
A sección de xadrez do Náutico camariñán, xunto o Clun Xadrez Arteixo, xa teñen preparado o cartel do I Torneo Infantil Mostra do Encaixe de Camariñas, que se levará a cabo o día 20 de abril, sábado, de 16,15 h. a 20,00 h.
O Torneo que será dirixido por Óscar de Prado Rodríguez, e será con sistema de xogo “Suizo a 6 roldas” e con partidas de 10 minutos con 3 segundos de incremento. Haberá categorías sub-8 (Prebenxamín), Sub-10 (Benxamín), Sub-12 (Alevín) e Sub-14 (Infantil), con trofeos para os tres primeiros clasificados de cada categorías, trofeos para o millor xogador/a local de cada categoría e regalos patrocinados polas entidades colaboradoras.
Poderan inscribirse ata o 19 de abril ou ata chegar ao tope de xogadores/as. A inscrición é gratuita e pode facerse a través do e-mail: [email protected] ou nos móbiles de contacto: 617234393 / 618950557, debendo indicar nombre e apellidos e data de nacemento.
Participación camariñá
En relación ao Xadrez Náutico Camariñas, que xa participará con máis dunha decena de xogadores neste I Torneo Infantil, os membros do equipo de nivel medio e avanzado, poideron asistir este xoves a unha charla do maestro Óscar de Prado Rodríguez, onde ademais de estudar xogadas e recibir consellos, se celebraron partidas simultáneas e que foron de gran axuda para seguir a formación dos rapaces e rapazas do Xadrez Náutico Camariñas.
Óscar de Prado dando clases de xadrez en Camariñas
