Venres. 29.03.2024
El tiempo

Mazaricos volve despedir o ano correndo, brindando con leite e indo en bus a Santa Comba

Mazaricos volve despedir o ano correndo, brindando con leite e indo en bus a Santa Comba
Belen de eucalipto de Mazaricos Belén de eucalipto de Mazaricos

Un dos máis singulares fin de ano da comarca é o de Mazaricos. O 31 arrinca de visita ao Belén de Eucalipto, esa iniciativa que traspasa fronteiras facendo patente a loita, tamén dende o Concello, contra esta especie. Un Belén que ademais te pode levar de viaxe, pois a campaña ”Pasa o Nadal en MZ” sortea unha fin de semana entre os que suban unha foto ás redes cos cancelos #nadalmz e #mazaricos.

Fin de Ano a Santa Comba en bus

A partir das 16:00h toca poñer as mallas, e correr na III Carreira San Silvestre do Leite, para a na que aínda hai prazo para anotarse no 981 86 71 09..

E a partir das 16.45h na Casa da Cultura de Mazaricos volverase brindar con leite. Un xeito de despedir o ano homenaxeando a vocación agrogandeira do Concello e para continuar a demostrar orgullo do pobo.

E como por Mazaricos non hai pubs, o Concello arma un bus para ir de festa a Santa Comba, unha iniciativa fantásticas que lembra aqueles estupendos tempos do Noitebús.

Ademais, xa andan os Reis preparados para o 5 de xaneiro cando volva a “tractorgata” na que as Súas Maxestades tirarán caramelos desde tractores antes de atender ás nenas e nenos na Casa de Cultura.

Novas relacionadas

https://quepasanacosta.gal/mazaricos-recupera-a-tractorgata-de-reis-no-seu-programa-de-nadal/ https://quepasanacosta.gal/un-belen-de-eucalipto-para-mazaricos/

Comentarios