Imprimir

Militantes socialistas critican o incumprimento da elaboración da lista do PSdG de Ponteceso

que pasa na costa | 02 de abril de 2019

Lois Carballido é alcalde e candidato do PSdG de Ponteceso
Lois Carballido é alcalde e candidato do PSdG de Ponteceso

Arrinca movida a campaña en Ponteceso. E faino no seo do Partido Socialista, que a pesar de estar no goberno, ten constantes polémicas a nivel interno.

Desta volta, un grupo de militantes socialistas de Ponteceso denuncia que a mesa da Asemblea Xeral inclumpriu o procedemento de elaboración de candidaturas establecido polo Comité Federal.

A Comisión Executiva Municipal presentara, en tempo, unha proposta para a elaboración da lista, na que iría o alcalde, Lois Carballido, como candidato, da que formarían parte os/as actuais concelleiros/as actuais, o resto das persoas que conformaron a candidatura do ano 2015 e que aceptasen a súa inclusión de novo, e incorporando a algunhas das persoas da candidatura presentada por el mesmo.

Pero chegados á Asemblea, o presidente da mesa (designado polo alcalde) non aceptou a proposta da Comisión, nin sequera para debatela, “con procedementos antidemocráticos”, deixando votar unicamente a lista presentada por Carballido.

A militancia tamén fixou sorprendida cando na Asemblea se deu conta do censo de persoas con dereito a voto, formado por un total de 43 persoas, fronte ás 17 que figuraban no censo anterior.

Podes ver este artigo na próxima dirección /articulo/ponteceso/militantes-socialistas-critican-incumprimento-da-elaboracion-da-lista-do-psdg-ponteceso/20190402104319108238.html


© 2019 que pasa na costa

COPYRIGHT 2019 QUE PASA NA COSTA