Imprimir

As mocións estatais do PP de Malpica quedan no caixón

que pasa na costa | 03 de febreiro de 2020

Dúas mocións de índole estatal levaba o pasado xoves a pleno o PP de Malpica. Dúas mocións que foron lidas polas edís populares, pero para as que o grupo de goberno non ratificou a súa urxencia, polo que non chegaron nin a debatirse.

A primeira pide compromiso municipal co sector mar-industria alimentario fronte ao proxecto do goberno estatal da reforma de Lei de Costas. O PP asegura que, en Malpica, están integradas total ou parcialmente en zona de Dominio Público Marítimo Terrestre, preto de 5.000 edificacións, concretamente 14 vivendas e 4 edificios industriais, así como 12 construcións de ámbito público (depuradora, lonxa, nave de redeiras, etc.). “Que acontecerá cando esas familias prexudicadas pola nova lei sepan que o goberno municipal puido evitalo, e a causa do seu retraemento e despreocupación non o fixo?”, pregúntase o PP.

A segunda moción era para instar ao Goberno Central a aboar a débeda pendente coa nosa Comunidade Autónoma, pois Galicia segue sen recibir os 200 millóns de euros que se lle deben pola recadación do IVE de decembro de 2017.

Podes ver este artigo na próxima dirección /articulo/malpica/mocions-estatais-do-pp-malpica-quedan-caixon/20200203100056117042.html


© 2020 que pasa na costa

COPYRIGHT 2019 QUE PASA NA COSTA

Banner xunta axudas copia