Jean-Francois Aillet na Punta da Barca Que potencia, que enerxía, a deste ecoloxista francés que ten nos seus pés máis de 70.000 km percorridos. Un deses camiñantes, coñecidos por todo o mundo pola súa implicación na defensa dun mundo máis sostible. Un deses peregrinos que escolle Muxía como inicio e fin do Camiño, neste caso do seu particular camiño que unirá o océano Atlántico co Mar Báltico. Así se chama o proxecto que emprende estes días dende a vila da Barca Jean Francois Aillet: Báltica-Atlántica. Unha marcha de 5.000km por 10 países europeos, con saída e remate, en Muxía, pasando por Estocolmo e Roma como paradas fundamentais. E todo, acompañado deste singular carriño. Aí é nada. Xa é a cuarta vez que Aillet pasa por Muxía, sempre a pé, e desta volta o recibimento que lle deu a familia do Bela Muxía, con Anxo Castro á cabeza, fíxolle sacar bágoas. Este artista-activista ten feito numerosas accións, entre as que destaca ter enviado area ao espazo, incluída a area de varias praias da Costa da Morte. Unha vez máis vemos xente que convirte as crebas en arte. Como todo peregrino, sempre queda engaiolado polo noso mar. [fbvideo link="https://www.facebook.com/aillet/videos/10210232221149622/" width="660" height="400" onlyvideo="1"] Así de ben garda as súas credenciais… E non nos estrana, menudo tesouro: Que disfrute desta andaina, e dentro dun ano, contaranos como foi.

Novas relacionadas

• 2014: Un solpor peregrino ao son do chelo: The Walk.
• 2013: O peregrino de Ferro conquistou a fin da terra en só 6 días.
• 2012: A forza do Camiño para un peregrino danés.
• 2011: Sentindo o Camiño.
• 2011: Unha ruta “galitaniana” por todo o litoral da Costa da Morte.

Terminar o Camiño no Mar, con De la Riera

• Lendas e tradicións (III). O monstro que axexa no páramo: O Vakner (Primeiro ouvido).
• Introito.
• As Orixes (I).
• As Orixes (II): A Translatio.
• Finisterrae VII. Lendas, tradicións, soños… emocións (I).
• Finisterrae (VII). Lendas e tradicións. O Apóstolo e as cidades “asolagadas ou alagadas”.

Fonte

• Redacción de QPC ([email protected]).
• Anxo Castro, do Bela Muxía.