Non paramos de loubar o compromiso do Grupo de Desenvolvemento Rural Bergantiños para co territorio. O Proxecto Novos Horizontes segue tratando de evitar que os transxénicos invadan as nosas terras a base de recuperar as sementes tradicionais. A semana pasada enviaban como 180 quilos de trigo á Cooperativa de Agricultura Ecolóxica Raíña Lupa de Quilmas, e esta semana coñecemos como seguen espallando produto da casa.

I é que o GDR amplia a variedade de cultivos de horta que se distribuirán entre os produtores da zona que participan no proxecto de cooperación “Nuevos Horizontes”. Esta iniciativa permitirá poñer en marcha nesta anualidade varios campos experimentais de distintos cultivos de variedades tradicionais. As sementes, facilitadas polo Centro de Investigacións Agrarias de Mabegondo, son as seguintes: pementos (Arnoia, Oimbra, Punxín, Piñeira, Vilanova, G Couto 117, G Couto 120), cebola (de Betanzos, Ribadeo e Vilagarcía), tomate (Avoa de Osedo, Negro de Santiago, de Ourense e apementado) e repolo de Betanzos.

O grupo ten almacenados 450kg de pataca fina de Carballo, recollida na campaña 2011, que serán distribuidos entre produtores da comarca e doutros territorios participantes no proxecto que mostren interese en desenvolver parcelas demostrativas deste cultivo.

Convenio co EFA

Ademais, o GDR asinou un convenio de colaboración co activísimo Centro de Promoción Rural EFA-Fonteboa, a través do cal esta entidade prestará asistencia técnica aos produtores e levará a cabo o seguemento das parcelas postas en marcha dentro do proxecto “Nuevos Horizontes”.

Máis información

• www.gdrcostadamorte.com.
• Proxecto Novos Horizontes.

Novas relacionadas

• As froitas toman o Centro de Promoción Rural EFA Fonteboa.
• Quilmas abre Novos Horizontes con sementes autóctonas.
• O GDR Costa da Morte e a Cooperativa Rainha Lupa amplían Horizontes.
• Carnota tamén quere ampliar os seus horizontes no seu agro.
• Xornadas de Difusión de Proxectos Leader: A Costa da Morte quere innovar.
• A Pataca Fina de Carballo vaise cocendo a lume lento.

Fonte

• Nota de prensa do GDR Costa da Morte.