Días de grande intensidade no IESP Pedra da Aguia de Camariñas. Os embaixadores junior do ano pasado desprazáronse de novo ata Estrasburgo para participar no certame de Euroscola xunto a 500 estudantes de 20 países da Unión Europea. 

Así, durante un día, estes estudantes camariñáns convertéronse en eurodiputados e tiveron que debater sobre temas como a migración, o medio ambiente, os dereitos humanos e as próximas eleccións ao Parlamento Europeo.

De volta ao centro, Europe Direc A Coruña, a oficina de representación da Comisión Europea con sede na Deputación da Coruña,  foi a encargada de impartir unhas charlas sobre a UE e sobre as oportunidades para os mozos e mozas en Europa. Así mesmo, tamén participou xunto con representantes do centro no programa “A Cancela” de Radio SER Nordés, que ese día emitiron o seu programa desde o centro camariñán.

Durante a emisión deste espazo, representantes do IES tamén fixeron un repaso de toda a actividade do instituto como Escola embaixadora do  Parlamento Europeo, así como das próximas actividades que se van realizar estes días no centro.

MESA REDONDA SOBRE PESCA E SUSTENTABILIDADE 

A primeira delas terá lugar esta mesma semana cunha mesa redonda sobre a pesca e a sostibilidade. Será o venres 5, a partir das 17.00 horas, e nela participarán a Eurodiputada do BNG, Ana Miranda; a Directora Xeral de Pesca, Mercedes Rodríguez; a responsable de Comunicación da Axencia Europea de Control de Pesca, Patricia Sánchez; o Xerebte de Industrias Cerdeimar, Andrés Cerdeiras e o Director de Sostenibilidade de Stolt Sea Farm, Carlos Tavares.

A segunda das actividades está protagonizada unha vez máis polos embaixadores junior deste ano, quen se constituíron en catro grupos políticos europeos e elaboraron un programa electoral sobre pesca, migración, xuventude e medio ambiente, co que terán que convencer aos seus compañeiros para que os voten ese día.