Imprimir

Os pais e nais de Carballo piden o mantemento da novena unidade de Educación Infantil do CEIP Fogar

que pasa na costa | 20 de maio de 2014

Pais e nais afectados polo peche dunha aula infantil no CEIP FOgar

22 nenos e nenas de 3 anos quedaron sen praza no CEIP Fogar de Carballo a pesar de residir na área de influencia do centro educativo. E por iso acodiron ao Concello para esixir o mantemento da novena unidade de Educación Infantil que até este mesmo curso estaba funcionando. Os recortes en materia educativa, ese “aforrar custos”, provocan a eliminación desta necesaria infraestrutura e así llo fixo chegar á Xunta ao colectivo de pais, mais eles cren que, mentres que no CEIP Fogar xa se conta cun espazo habilitado para manter a aula, na Cristina si que habería que realizar un investimento para acondicionar unha nova.

Na xuntanza mantida no Concello este luns, o Alcalde de Carballo, Evencio Ferrero, explicou que "o Concello apoia totalmente ás nais e ás pais afectados" na súa defensa de "que se manteñan no Fogar as nove unidades que había até o de agora”.

De non cambiaren as cousas, pasarían a cursar estudos ben no CEIP Bergantiños nunha nova aula habilitada despois dos traballos de ampliación, ben a través da habilitación dunha nova unidade de Educación Infantil no CEIP A Cristina.

En todo caso, na Comisión de escolarización prevista para hoxe martes 20 de maio, a Xunta trasmitirá as directrices para asignar praza nun dos centros educativos do casco urbano a cada un dos nenos e nenas afectados.

Novas relacionadas

Fonte

Podes ver este artigo na próxima dirección /articulo/carballo/os-pais-e-nais-de-carballo-piden-o-mantemento-da-novena-unidade-de-educacion-infantil-do-ceip-fogar/20140520071005075529.html


© 2020 que pasa na costa

COPYRIGHT 2019 QUE PASA NA COSTA

Banner xunta axudas copia