Xoves. 28.03.2024
El tiempo

Pactómetro Coristanco (IV): O PP decántase por Clarisa Couto por diante de TeGa

Clarisa Couto entregando  un premio na Festa da Pataca de Coristanco
Clarisa Couto entregando un premio na Festa da Pataca de Coristanco
Pactómetro Coristanco (IV): O PP decántase por Clarisa Couto por diante de TeGa
Pactómetro Coristanco (IV): O PP decántase por Clarisa Couto por diante de TeGa

Onte contabamos que o acordo entre PP e TEGA para formar un goberno de coalición en Coristanco pendía dun nome. Clarisa Couto, concelleira que participara na moción de censura que votou a Amancio Lavandeira da alcaldía, era a única liña vermella que marcaba TeGa para formar no goberno, tal e como lle trasladara nunha proposta.

Esta pasada noite de xoves a militancia do PP mantiña unha xuntanza importante para decidir o seu posicionamento. E por unanimidade, o renovado grupo de Juan García vén de decidir que van ir ao pleno de investidura deste sábado 15 de maio a presentarse en solitario, sen ningún acordo previo. “A liña vermella de que Clarisa Couto non poida estar non nos parece aceptable, porque esa persoa vén de recibir o avan de todas as persoas que nos votaron. Podemos falar de programas, proxectos, pero de persoas non é o camiño. Todo os membros do PP local cremos que non se pode sacrificar un compañeiro pola decisión doutro partido”, sinala Juan García.

”En todo caso, seguiremos ca man tendida e aberto a calquera acordo nos vindeiros días, meses ou cando acontezan”, apunta deixando a porta aberta a posibles acordos a partir do luns.

 

Todas as novas das Eleccións

 

Comentarios