Imprimir

Portos instalará 4 cámaras de videovixilancia no porto de Brens

que pasa na costa | 27 de setembro de 2012

Zaira Rodriguez co Presidente de Portos

Continúan proliferando as cámaras de videovixilancia en Cee, e desta volta o Presidente de Portos anunciáballe á alcaldesa Zaira Rodríguez, que se vai instalar un sistema de control mediante cámaras no peirao de Brens.

A alcaldesa mantivo unha reunión con José Juan Durán para afondar nas medidas de vixilancia e reforzo da seguridade no peirao de Brens. O presidente de Portos de Galicia trasladoulle á rexedora que o ente público vén de realizar a proposta de adxudicación do concurso para o control remoto do sistema de videovixilancia nos portos e que este é o último trámite para a próxima posta en marcha do dispositivo. Durán indicou que as previsións apuntan a que o contrato poida asinarse xa nas vindeiras semanas.

En concreto, no peirao ceense ubicaranse 4 cámaras fixas e unha móbil, cunha capacidade de 8 megas de ancho de banda.

Novas relacionadas

Fonte

  • Nota de prensa de Portos de Galicia.
Podes ver este artigo na próxima dirección /articulo/cee/portos-instalara-4-camaras-de-videovixilancia-no-porto-de-brens/20120927071509071302.html


© 2019 que pasa na costa

COPYRIGHT 2019 QUE PASA NA COSTA