Como se fose unha peña atlética, o Xallas nunca deixou de crer, nin case descendido según moitos en Nadal, e acabou por selar unha permanencia en forma de milagre Castro 1-2 Xallas Coñece as nosas ofertas a través do noso Facebook SenraSport

• Campo: Municipal de Castro
• Castro: Yebra, Jairo, Dumi, Suso (Tanketín m.49), Juanma, Novo, Palomo (Alvarito m.68), Xaime, Buide (Iván González m.82), Nano e Marino
• Xallas: Julián, Cristian, Hugo, Vecino, Martín Barreiro, Canedo, Kevin, Jesús (Anxo m.75), Coria (Róber Pladur m.71), Fernando e Camilo (Marcos m.60)
• Árbitro: Soage Fernández (Vigo)
• Goles: 0-1 m.56 Kevin; 0-2 m.71 Kevin; 1-2 m.81 Xaime, de penalti

Dicía o gardamallas Julián ao terminar o partido do Xallas en Castro de Rei: "En Nadal dicían que estabamos en Primeira, agora estamos salvados". Algún anónimo xalleiro debeu ter sido moi bo no 2015 e escribiu unha carta agraciada a Santa Claus, que na Laponia recibiu o encargo da permanencia dos de Santa Comba. Só así, ou en virtud dunha fe inquebrantable, pode entenderse a milagre da permanencia, finalizada hoxe cun triunfo no campo do campión da Preferente Autonómica. En Nadal, por exemplo, o Xallas loitaba por escapar da última praza, xunto a un Dumbría ao que acabou por sacarlle 25 puntos. Algunhas das chaves da permanencia saíron á luz no Municipal de Castro. Nomeada a fe, a segunda é a orde que acadou un equipo que xoga con menos riscos, coas ideas máis claras, e que sobre todo defende moi ben. Nin unha oportunidade clara de perigo lle fixeron os lucenses na primeira metade. Certo é que o clima era totalmente festivo, pero tamén o once local era o habitual de todo o curso. Non escatimou en valentía o equipo e buscou o gol sen descompoñerse durante ese acto inicial de nervios. Coria e Hugo marraron ante a portería do Castro en dúas saídas rápidas tras recuperación. Non era o día do punta uruguaio, que aínda perdoaría outra opción máis. Con Róber agardando a súa no banco e Coria con menos fortuna do habitual, o home da permanencia foi Kevin. Seus foron os dous tantos que apuntalaron o éxito. O primeiro, ao pouco de reanudarse o partido, tras un gran pase dun Jesús notable. E para sentenciar, co Castro sen volcarse de todo e o equipo ben prantado, ao aproveitar unha asistencia de Fernando. Estaba todo feito, a pesares de que os rivais directos estaban a cumprir nos seus compromisos. E nin o penalti convertido por Xaime pudo coa vontade dun Xallas que ven de acuñar iso do Atlético de Madrid para Milán. Que nunca deixou de crer. Grazas Santa Claus.  

Novas relacionadas

• Mazaricos acollerá a III Gala do Fútbol da Costa-QPC.

Novas relacionadas

• Adrián Makaay, segundo máximo goleador da historia do Fútbol da Costa.
• Basti e Makaay, Insua e Bugy, pichichis e Zamoras das Ligas da Costa.
• 4 equipos seguen pendentes dos arrastres.
• 3ª Autonómica: Os penaltis devolven ao Corcubión á Liga da Costa.
• Copa da Costa Xuvenil: O Xallas, gran campión.
• Artigo de Guillermo Parga do título do Fisterra: Vanse poñer de punta ata os pelos dos Rapacollóns.
• Artigo de Guillermo Parga do ascenso do Soneira: Nunca agardei menos de ti.
• Noé e Geiko, os premios Zamora e Pichichi da 3ª da Costa.
• Rikísimo ascenso do Montelouro.
• O Laxe é novo equipo da 2ª Autonómica!.

Máis información

• Os cadros da Copa da Costa 2016 e das Fases de Ascenso en www.copadacosta.com.
• As táboas de resultados e clasificacións en www.futboldacosta.com. Piquen dende o seu teléfono e pulsen “Engadir a pantalla de inicio”, para ter sempre os resultados no peto.
• A actualidade no Facebook “Fútbol da Costa”.

Fonte

• Guillermo Parga ([email protected])