Esta pasada fin de semana vimos de rematar as fotos do Álbum de Cromos 2019/2020. Un álbum que está sendo unha revolución, pois convertir en protagonistas a 900 rapaces e rapazas de entre 6 e 12 anos de toda unha comarca non se fai todos os anos.

A rolda de sesións fotográficas viuse desfavorecida polo complicado outono que levamos meteoroloxicamente falando, polo que nos provocou un certo retraso. Deste xeito non chegaremos a tempo para o Nadal, pero esperamos ter o álbum na rúa durante o mes de xaneiro.

Agora o traballo céntrase en Vigo, onde a empresa Sportcrom desenvolve todo o traballo de edición dos cromos e máis do álbum, para inmediatamente proceder a impresión.

Presentacións pola comarca

A comezos de xaneiro realizaremos unha serie de presentacións pola comarca, convocando a todos os clubs para que as familias poidan vivir o fútbol da Costa na súa esencia. Unhas presentacións que servirán tamén para acadar un dos obxectivos que sempre nos facemos con estes proxectos: vertebrar a bisbarra a través do deporte.

Puntos de venda

Xa temos confirmados unha vintena de puntos de venda na comarca. Algúns serrán coordinados polos propios clubs, que tamén os ofrecerán nas cantinas dos campos. Outros son puntos de venta como librerías, quioscos…

Iremos dando boa conta deles nos vindeiros días.

Todas as novidades do Álbum da Costa

• O #ÁlbumdaCosta de F8 esquiva ás Alertas e segue xerando máxima expectación.
• Nomvebro 19: #ÁlbumdaCosta: “Douche 3 sobres polo meu fillo”.
• Outubro 19: O Álbum da Costa xa percorre os campos retratando aos 900 protagonistas.
• Outubro 19: En marcha o novo Álbum de Cromos do Fútbol Base da Costa 2019/2020.
• Febreiro 2019: Muros, Corme, Vimianzo e Baio, os puntos quentes do Álbum da Costa.
• Decembro 2018: Xogadoras e árbitros, protagonistas da Gala de estrea do Álbum da Costa.
• Decembro 2013: Da repercusión mediática do Álbum de Cromos da Costa.