Venres. 29.03.2024
El tiempo

As Redeiras, condenadas a non poder xubilarse antes dos 67 anos

Redeiras traballando sentadas
Redeiras traballando sentadas durante horas e horas
As Redeiras, condenadas a non poder xubilarse antes dos 67 anos

Non fai falta moita experiencia para decatarse da dureza da profesión de redeiras. Ducias de horas sentadas “traballando con redes quilométricas molladas que supoñen pesos que multiplican varias veces o noso, e que estamos sometidas ás inclemencias do tempo, chovendo a veces en portos no inverno e soportando temperaturas moi elevadas no verán, o que está incidindo na aparición de enfermidades da pel coma o cancro de pel, iso sen esquecer a humidade continua e a insalubridade derivada dos traballos de reciclaxe que facemos, xa que se o mar é un depósito de lixo, as redes que se recollen veñen ateigadas de materiais en descomposición que provocan, entre outras doenzas, infeccións oculares e alerxias”.

Así o describe a presidenta da Federación Galega de Redeiras O Peirao, a malpicá Verónica Veres, para denunciar o abosluto descoñecemento que demostra a Dirección Xeral de Ordenación da Seguridade Social ao negarse a autorizar o inicio do procedemento para o recoñecemento dos coeficientes redutores ante a falta de casos de mortalidade neste colectivo profesional.

As redeiras amosan a “súa indignación, estupor e decepción” pola decisión da Seguridade Social de non aplicar coeficientes redutores que permitirían unha xubilación máis temprana, “ante a falta de indicios de elevados incrementos nas taxas de mortalidade o morbilidade debidas á realización de dito traballo”, segundo sinalan dende o Ministerio.

Unha resolución do Ministerio de Traballo, Migracións e Seguridade Social contradí cadanseu informe da UE e do Ministerio de Pesca que animan a introducir coeficientes redutores neste colectivo. O propio Ministerio de Agricultura, Pesca e Alimentación conclúe no estudo titulado Redeiras, un oficio descoñecido, que é preciso facilitar a redución da idade de xubilación entre as profesionais deste colectivo.

Novas relacionadas

Comentarios