Sae a luz "Obituario", o novo traballo de Rocío Leira
23:54 24/05/16
A partir da próxima semana sairá á luz un novo traballo 100% da Costa da Morte. Trátase de "Obituario", o poemario da ceense Rocío Leira (Pereiriña – Cee). O libro está editado pola secretaría xeral de Política Lingüística e está prologado polo crítico literario Ramón Nicolás. Ademais conta coas ilustracións de Héitor Picallo.
O poemario consta de 41 poemas, encabezado, cada un deles, polo nome dunha das vítimas de violencia de xénero do pasado 2015. Constrúese así unha homenaxe a todas esas mulleres, e dáselles voz "aquela voz que sen dúbida tiveron pero non conseguiron que chegase a nós, ou se cadra nós non soubemos oír" asegura a autora.
Rocío Leira recibiu o VI premio de Poesía Ardeiro pola súa obra
Precisamente este traballo - baixo o pseudónimo de Xanela - resultou a gañadora do VI premio de Poesía Ardeiro. O premio consiste na edición do poemario gañador xunto coa entrega de 150 exemplares. “Este premio supón un paso importante na miña carreira, pois vai ser o meu primeiro libro de poesía para adultos que ve a luz”, aseguraba Rocío Leira o pasado mes de decembro cando se coñeceu que resultou a gañadora.
Novas relacionadas
- Rocío Leira gaña o III certame de poesía Xosé M. López Ardeiro convocado polo concello de Negreira
- Rocío Leira: “Escribir sobre o cancro sempre é difícil, pero se está orientado ó público infantil a dificultade é maior”
- A ceense Rocío Leira tamén estrea novo libro de literatura infantil
- Modesto Fraga publica os seus 20 anos de poemas á mar.
- Suso Lista publica o seu segundo libro, Xeixos, con sabor ao mar salgado de Corme.
- Modesto Fraga presenta o seu novo libro cheo de Fisterranía.
- O Batallón Literario da Costa da Morte revive na rede.
- Modesto Fraga, Rocío Leira e Lola Canosa, expoñentes da homenaxe poética aos Faros da Costa da Morte.
- Redacción QPC ([email protected])