Senda Nova despide a IV edición da Escola Ambiental
08:05 06/07/16
Os participantes na Escola Ambiental de Senda Nova desfrutaron dunha tarde de xogos
Despois de oito meses de traballo, Senda Nova despediu o pasado sábado a IV edición da súa Escola Ambiental cun final de curso onde non faltaron os xogos, as risas e a boa compañía. A festa, na que participaron os nenos e nenas que formaron parte da Escola Ambiental, así como os seus familiares e monitores, tivo lugar na rúa Colombia de Carballo.
Este é o cuarto ano consecutivo que Senda Nova pon en marcha a súa Escola Ambiental na que os participantes viven oito meses de aprendizaxe e de convivencia grazas ás actividades intrepretativas que realizan todas as semanas. O principal obxectivo deste programa é poñer en valor da man dos máis pequenos o patrimonio cultural e ambiental máis próximo. "Foron moitas semanas de adicación á nosa contorna, ao noso medio, tratando de dar a coñecer as ducias de espazos importantísimos, a importancia de conservar a natureza e o patrimonio, dende a perspectiva de que o primeiro paso para protexer é dar a coñecer e poñer en valor" sinalan dende a organización.
Próximas actividades
Ademais da festa de despedida, Senda Nova aproveitou a ocasión para darlle a benvida ás actividades de verán. A primeira delas terá lugar na noite do próximo sábado, día 9 de xullo, cun roteiro nocturno polos montes de Pico de Meda, en Zas.
Un dos obxectivos desta saída, con pernoctación ao aire libre incluída, é o desmitificar a figura do lobo. Para iso percorrerán unha distancia de dez quilómetros aproximadamente.
Os interesados en participar debe anotarse antes do xoves no correo electrónico [email protected] ou no número de teléfono 696155232. O custe da áctivdade é de 12€ para adultos non socios de Senda Nova e de 8€ para socios. Os menores socios terán que abonar 5€ mentras que os que non o sexan, 8€.
Novas relacionadas
- Máis de 300 persoas descobren a riqueza ambiental e cultural das corredoiras con Senda Nova
- Corredoiras e compromiso para a 7ª edición da Primavera en Ruta de Senda Nova
- Senda Nova presenta a 7ª edición da “Primavera en Ruta”
- Máis de 200 persoas participan nas xornadas de Interpretación dos Bosques de Senda Nova.
- Senda Nova presenta a 7ª edición da “Primavera en Ruta”
- Arrancan con éxito as xornadas de Interpretación dos Bosques de Senda Nova
- Senda Nova inicia cunha proxección as xornadas de Interpretación dos Bosques
- Senda Nova reclama un plan integral de conservación para o humidal de Baldaio
- Senda Nova recupera as historias dos maiores de Zas
- Senda Nova celebra en Baldaio o día dos humidais
- Senda Nova desfruta dun inverno ancestral
- Senda Nova recupera a tradición co “Inverno Ancestral”
- Gracias, Apalpador
- Aprendendo natureza na escola Ambiental de Senda Nova
- Senda Nova bota a andar a súa escola ambiental
- Sesenta camiñantes estrean o IV Outono en Marcha de Senda Nova.
- Seis rutas de sendeirismo compoñen o programa de outono de Senda Nova
- Senda Nova presenta o seu programa de marchas para o outono
- Senda Nova remata o seu verán máis natural
- Redacción QPC ([email protected])
- Senda Nova