Comprometidas, coma sempre, as letras do novo traballo de Leö KCH e La Cloaka Sound. O MC ceense e os rapeiros vigueses veñen de presentar nas redes o temazo "Son Galego", que forma parte do disco que sacaban os Gelete e ZdeZelso 2019. Un tema gravado no porto de Brens coa fábrica como telón de fondo.
As colaboracións entre ambos proxectos veñen de lonxe. Leö KCH e La Cloaka Sound coñécense sobre o escenario. No 2014 comparten actuación no Pub Laranxo en Vigo, cidade natal dos compoñentes de LCS, época na cal Leo andaba de xira por Galiza cos seus "Gritos en silencio" xunto a Dj Kras, o seu compañeiro de batallas. A finais dese ano Leo colabora nun tema para o disco no que andaban a traballar A Cloaka, "Saliendo a la luz".
No 2015 volven a coincidir sobre as táboas nun festival en Vigo, no cal La Cloaka Sound presentaba o álbum arriba mencionado e Leö KCH o seu novo traballo, "Un planB".
Mentres, Leö KCH segue "traballando en cousiñas e experimentando", pero toca esperarmos por novidades.
Novas relacionadas
- 2016: Os Rap-arigos de Leo KCh en Corcubión.
- 2015: Leö KCh solta versos como coitelos co seu novo Plan B
- 2014: Fernando Blanco a ritmo de rap.
- 2014: Leö KCH: “O Rebumbio é bo para todos. A unión fai a forza”.
- 2013: Leö Kch berra en silencio polo Monte Pindo.
- LeöKCh en estado de ansiedade.
- 2011: Un ano de rap con LeöKCh.
- 2010: O rapeiro ceense Leö Kch canta o Ave María a coro cos Nativos Digitales .