Imprimir

Subvencións "transparentes" para festas populares en Carballo

José Luis Louzán | 26 de xaneiro de 2018

O Concello de Carballo ven de facer pública a relación de festas que serán perceptoras das axudas que presta o concello, que volveu a convocar no 2017, despois de cinco anos, as axudas para as festas das parroquias e os barrios. En total foron subvencionados 37 días de festa por un total de 14.470’50 euros. O goberno municipal cumpriu o seu compromiso de recuperar as axudas, que quedaran suspendidas como consecuencia da crise, e incrementou ata 35.000 euros a partida destinada a esta finalidade, aínda que só se consumiu unha parte. O obxectivo da convocatoria, que desde a Concellería de Festas preténdese impulsar este ano, é axudar ás entidades e comisións de festa para a celebración de verbenas ou concertos con actuacións musicais en directo. Acolléronse a esta posibilidade as entidades dos barrios do Chorís, A Brea e San Cristovo, así como das parroquias de Ardaña, Artes, Berdillo, Rus, Sísamo, Sofán e Entrecruces, que organizaron un total de 17 festas entre os meses de xuño e outubro. A relación detallada pode consultarse no documento adxunto.
Podes ver este artigo na próxima dirección /articulo/carballo/subvencions-transparentes-para-festas-populares-en-carballo/20180126060759086876.html


© 2020 que pasa na costa

COPYRIGHT 2019 QUE PASA NA COSTA

Banner xunta axudas copia