Xoves. 28.03.2024
El tiempo

Os traballadores de XEAL extenden ao Ézaro as súas protestas contra un ERTE "ilegal"

Traballadores de XEAL no Ezaro
Traballadores de XEAL no Ezaro
Os traballadores de XEAL extenden ao Ézaro as súas protestas contra un ERTE "ilegal"

Tivo lugar este xoves a terceira protesta que realizan os traballadores de XEAL esta semana. Convocados polo Comité no marco do novo calendario de mobilizacións, e coincidindo co comezo de aplicación do ERTE anunciado a semana pasada, os traballadores achegáronse ata as centrais hidroeléctricas do Ézaro para extender a súa protesta por un ERTE que consideran ilegal, por ser firmado hai 19 meses, pola anterior dirección e sen representación sindical dos centros de traballo costeiros.

Un ERTE rotativo que afecta a todos/as os/as traballadores/as das fábricas ata o 28 de febreiro de 2021 nun promedio do 35% da xornada laboral. Queda fóra do ERTE o persoal das centrais, que están ao 100% da súa capacidade produtiva, "o que resulta moi significativo de cal é o negocio que lle interesa a XEAL”.

O Comité segue pensando que se trata de desmantelar a e quedar con negocio hidroeléctrico, pois a día de hoxe “a produción en Cee e Dumbría baixou nun 90%, cando no mercado internacional a caída foi de apenas 30%), e mentres a actividade dos aproveitamentos hidráulicos non deixou de medrar, xerándolle no que vai de ano millonarios beneficios a XEAL.

Concentracion do Comite de XEAL no Ezaro

A Xunta

O Comité segue pedindo a actuación da Xunta que esixa á empresa o Plan de Viabilidade prometido, que manteña os postos de traballo e que cumpla coas condicións da vinculación entre produción de ferroaleacións e hidroeléctrica.

A Consellería trasladou que recibirá ao Comité o vindeiro 1 de outubro.

Visita do BNG

Aproveitando o momento, portavoz nacional, Ana Pontón, desprazarase a Cee para manter un encontro co comité de empresa de Ferroatlántica para abordar a situación do cadro de persoal baixo un ERTE.

NOVAS DO CONFLITO #FERROATLÁNTICA

Comentarios