• 28-11-2018: Dous anos e oitos meses despois, Cee volve abrir as instalacións da piscina municipal.
• 01-06-16: A non-piscina de Cee, á escuras.

Dous anos e case 10 meses despois, a piscina municipal de Cee volvía este venres 1 de febreiro de 2019, a abrir as súas portas. Esta mañá os primeiros usuarios lanzábanse a disfrutar dun servizo público que levaba case 3 anos pechado pola absoluta incompetencia municipal. Unha deixadez que deixou a máis de 30.000 veciños e veciñas da comarca (habitualmente son arredor de 1.000 os usuarios habituais) sen a posibilidade realizar exercición no ximnasio e acodir a nadar.

Un problema que comezaba en 2015 como un mero problema laboral da empresa concesionaria. Pero a mala xestión da situación do goberno de IxCee provocaba o seu peche a comezos do mes de maio de 2016, tras varias manifestacións de traballadores e usuarios contra Aquacenit.

A pesar das continuas  peticións de intervención no conflito por parte da oposición, das proposicións para rescatar o servizo cunha posible xestión municipal, e despois de que o Consello Consultivo anulase a concesión a Aquacenit da piscina en setembro de 2016, o grupo de goberno foi retrasando unha e outra vez os prazos a pesar das as continuas denuncias de todos os grupos da oposición.

Pasou un ano para sacar un novo concurso que acabou ficando deserto, e dende comezo de 2018 comezaba o que anunciaban como contra atrás para a reapertura.

Só tivo que pasar un ano máis para facer realidade a reapertura, e o pasado decembro o Concello artellaba un circo para anunciala, sen facer ningunha referencia aos eternos retrasos.

A cousa aínda non fica tranquila, porque o asunto aínda ten unha vertente xudicial aberta trala denuncia de Unión Cidadá por presunta prevaricación e malversación de todos os concelleiros que aprobaron a licitación durante o pleno do 28 de setembro.

A historia do peche da piscina, dende abril de 2016

• 28-11-2018: Dous anos e oitos meses despois, Cee volve abrir as instalacións da piscina municipal.
• 26-11-18: O ximnasio podería abrir antes de final de ano; a piscina queda para comezos de 2019.
• 15-10-18: A piscina de Cee, pendente dunha nova denuncia de Unión Cidadá por presunta prevaricación e malversación.
• 10-10-18: A piscina de Cee abrirá antes de remate o ano.
• 01-10-18: O pleno aproba unha polémica licitación do servizo da piscina.
• 27-04-18: Comezan as primeiras obras para reabrir a piscina de Cee.
• 25-01-18: Conta atrás para a reapertura da piscina en Cee.
• 07-07-17: Novo retraso para a reapertura da piscina tras quedar deserto o concurso.
• 05-04-17: O PSdG pide ao goberno de Cee que “deixe de marear a perdiz” no asunto da piscina.
• 04-04-17: Novos atrancos para a reapertura da piscina cando se cumpre un ano do seu peche.
• Marzo 2017: PSOE, PP e BNG denuncian retrasos do alcalde para convocar o pleno que corrobore a xestión interesada da piscina municipal.
• 22-02-17: Máis de 600 sinaturas solicitan que a piscina de Cee sexa xestionada directamente polo concello.
• 20-09-16: O Consello Consultivo bota a Aquacenit da piscina de Cee
• 25-08-16: O BNG de Cee pide celeridade para solucionar o problema da piscina.
• 15-07-16: Os traballadores da piscina alzan a voz contra o alcalde de Cee.
• 01-06-16: A non-piscina de Cee, á escuras.
• 26-05-16: Esixen a intervención urxente do Concello ante a cascada de problemas ca piscina municipal de Cee.
• 15-04-16: Usuarios e traballadores maniféstanse pola piscina municipal de Cee.
• 06-04-16: Os traballadores da xa pechada Piscina Municipal de Cee, en folga contra a concesionaria.
• 03-03-15: A CIG esixe o inmediato rescate da concesión da piscina de Cee.
• 14-01-15: Denuncian a situación laboral na piscina de Cee.