A veciñanza de Camelle mantén limpo o legado do Man
Este domingo, 20 adult@s e 10 nen@s de xeito voluntario acodiron á chamada da Asociación de Veciños de Camelle e Mar de Fábula, para limpar o coído do Museo-Xardín de Man. Durante dúas de traballo, apañaron un importante volume de lixo mariño espallado polas rochas, unha alta porcentaxe foi lixo plástico miudo e anaquiños de espumas sintéticas agochados á entrada do recinto.
Ao remate da mañá, a sensación dos participantes era de satisfación polo traballo feito de limpeza e conservación neste museo xardin construído ao longo de moitos anos por un home fóra do común e que hoxe vaise desfacendo pola acción da intemperie, os embates do mar e o desleixo dos homes.
A cita tamén serviu de acicate na conciencia, e a veciñanza aproveita para solicitar ás administraccións competentes “a reconstrucción deste museo-xardin para manter a vixencia dos valores transmitidos polo seu creador, fortaleza espiritual e unión coa natureza, valores máis importantes que nunca nestos tempos de desacougo nos que está a vivir a humanidade”.
