Imprimir

Os veciños de Cabana volveron pedir a dimisión do alcalde pola especulación urbanística

que pasa na costa | 11 de marzo de 2019

O pasado 24 de febreiro realizaban a primeira concentración ás portas do Concello. Este pasado sábado 9 de marzo, volveron xuntarse medio centenar de veciños na praza de Neaño (Cesullas) para pedir a dimisión do alcalde pola política urbanística.

“Onde van as nosas parcelas edificables e os muros de cierre das nosas fincas? Non sabemos” berraba o manifesto. Non saben pero si que o sospeitan esas zonas edificables do novo PXOM situaranse na zona da Carballa onde supostos ”amigos” do alcalde están construíndo novos chalés.

A veciñanza critica a política urbanística do “tira cá pala cara adiante”, sen respetar os muros e valados de cerres das fincas, sen expropiar e nun claro abuso de poder que prexudica seriamente ás persoas afectadas.

Un manifesto que se lembra do “orzamento Concello de desgoberno, que vai en soldos para avogados e procuradores polos moitos pleitos dos alcaldes”.

Recordaron que a parroquia de Neaño non ten nin auga nin rede de sumidoiros públicos… “Onde van os cartos?” pregúntanse. Tamén preocupa á veciñanza que o litoral cabanés teña fallos de saneamento, e siga cheirando, a pesar dos máis de un millón de euros supostamente investidos nas obras de saneamento.

Por todo iso, a veciñanza berrou alto e claro o “Fóra xa da Alcaldía!”, ao tempo que se preguntaban ”Onde van os partidos da oposición que levan 16 anos sen traballar neste concello”. “Non sabemos”, volvían responder.

Podes ver este artigo na próxima dirección /articulo/cabana/vecinos-cabana-volveron-pedir-dimision-do-alcalde-pola-especulacion-urbanistica/20190311102900107491.html


© 2019 que pasa na costa

COPYRIGHT 2019 QUE PASA NA COSTA