Vieiro constata o uso abusivo das novas tecnoloxías entre os menores
11:32 09/04/18
O pasado venres, as educadoras sociais de Vieiro presentaron o "Estudo dos hábitos de uso das novas teconoloxías"
Baixo o título "Estudo dos hábitos de uso das novas tecnoloxías" as educadoras sociais da asociación antidroga Vieiro - María José Dosil e Miriam Romero - presentaron o pasado venres un estudo piloto que naceu co obxectivo de coñecer os hábitos dos nenos e neas na rede. O estudo enmárcase dentro do programa de prevención Desenrédate e nel participaron un 600 menores do municipio de Carballo con idades comprendidas entre os 9 e os 11 anos.
Durante a presentación, as profesionais sinalaron que os resultados serven como unha primeira aproximación para coñecer os riscos e as oportunidades aos que se enfrontan os menores no uso das novas teconoloxías a través do móbil, videoxogos, aplicacións ou redes sociais.
Os datos
Case un 64% dos encuestados recoñeceron que entre a semana - luns a xoves - pasan entre 0 e 2 horas diarias diante dunha pantalla mentras que o 18,34% recoñece que lle adica entre 2 e 4 horas ás novas tecnoloxías. Os datos varían, e moito, durante a fin de semana. Ainda que o 38% dos menores encuestados afirman adicar entre 0 e 2 dúas horas diairias, "son significativas e preocupantes as porcentaxes que se rexistran nas demais franxas horarias", sinalan dende Vieiro, xa que estes datos reflexan ao seu parecer un uso abusivo das novas teconoloxías de información e comunicación.
O smartphone é o dispositivo máis empregado polos menores encuestados seguido da tablet e da videoconsola. As aplicacións máis usadas nos teléfonos son WhatsApp, Instagram, Youtube, Facebook, Snaptchat y Musically.
Entre os tipos de xogos cos que se entreteñen coas videoconsolas destacan o Clash Royal - un xogo combinado de cartas e estratexia - e o Fifa - xogo de fútbol -. Séguelle o Minecraf - un xogo creativo de construcción de "mundos abertos" -, seguido do GTA indicado para maiores de 18 anos e coñecido polo seu contido violento e "nada recomendable".
Con descoñecidos
A maioría dos encuestados neste estudo recoñeceron que xogan online con descoñecidos, seguidos dos que xogan en familia ou solos/as.
Desde a asociación Vieiro destacan a responsabilidade da familia neste eido e descatacan a necesidade dunha labor preventiva con programas como Desenrédate o cal proporciona información sobre as vantaxas e os riscos das novas tecnoloxías, formación teórico-práctica para un uso seguro e a promoción de alternativas de ocio saudables. "De todos é coñecido que os nosos nenos e nenas naceron na era dixital, pero iso non significa que sepan empregalas de forma axeitada e responsable. É responsabilidade de familias e educadores/as o facilitar unha incorporación positiva da tecnoloxía e un bo uso da mesma. As potencialidades son infinitas e os riscos evitables", sinalan dende Vieiro.
0-2 | 2-4 | 4-6 | 6-8 | 8-10 | 10-12 | 12-14 | + | |
Cantas horas adicas diariamente a "pantalleos" de luns a xoves | 63,87% | 18,34% | 9,39% | 3,96% | 2,51% | 0,53% | 0,53% | 0,53% |
Cantas horas adicas diariamente a "pantalleos" de venres a domingo | 38,01% | 27,13% | 14,56% | 12,85% | 3,70 | 2,54 | 1,49 | 1,32 |
Novas relacionadas
- Aprendendo con Vieiro a tomar menores decisións emocionais
- Vieiro reactiva o servizo de denuncias antidroga “Ti cooperas se denuncias”.
- Un 40% dos nenos de Carballo probaron o alcohol aos 8 anos… cas súas familias.
- A Escola de Pais e Nais de Vieiro xa traballa en clave de prevención.
- Vieiro dá a coñecer os seus programas nos centros de ensinanza secundaria de Carballo.
- Vieiro abre un novo curso da súa Escola de Pais e Nais
- Vieiro achégase ata as aulas de Carballo co seu programa de prevención escolar.
- Vieiro mantén activo o servizo de información e orientación contra a drogadicción
- Vieiro homenaxea ao seu finado presidente con máis implicación.
- 29-08-17: Falece o presidente da asociación antidroga Vieiro.
- Vieiro recolle nunha revista os seus 25 anos de traxectoria
- Vieiro pon en práctica as habilidades sociais de máis de 1000 estudantes de secundaria de Carballo
- Vieiro renova o seu servizo de dar respaldo xurídico
- 100 pais e nais aprenden con Vieiro a importancia da prevención
- Vieiro axuda a adolescentes de Carballo a coñecer e xestionar as súas habilidades socioemocionais.
Fonte
- Redacción QPC ([email protected])
- Vieiro