Evento

Enterro da Sardiña de Corcubión

Name: Enterro da Sardiña de Corcubión
Start: 2016-02-13T00:00:00+01:00
End: 2016-02-13T00:00:00+01:00

13/feb./2016 a 13/feb./2016

12:00 h a 12:00 h

Redacción

11:50 10/02/16

Comitiva funebre no Enterro da Sardina de Corcubion

Así marchaba a Comitiva fúnebre no Enterro da Sardiña de Corcubión do ano pasado

Enterro da Sardina de Corcubion do Entroido 2016

Tralo divertido éxito do I Enterro da Sardiña do ano pasado, as xentes festexeiras de Corcubión fan un chamamento a unha vila famenta de Entruido, para recuperar esa fermosa festa do Sábado de Borralla.

Nova xeira para o II Enterro da Sardiña de Corcubión. A comitiva arrincará cos viños este sábado 13 ás 12:00h, para darlle o remate ao Entruido deste ano 2016. Percorrerán os rueiros da vila para dicirlle o derradeiro adeus a estes días de irreverencia, troula e liberdade ameazada.

”Entruideiros da vila, acompañádenos con farrapos negros e calquer trebello que faga algo de barullo (latas, pandeiretas, pandeiros, botellas de anís cheas ( xa daremos conta delas) ou baldeiras, cunchas etc…)”, animan os máis trouleiros da vila.

Se o tempo non permitira andar ao ar fresco e puro de Corcubión farase unha cerimonia acorde co que se merece o final do Entruido na Capela do Pilar a bon resgardo de refachos e choivas traizoeiras.