A partir do día 20 de xaneiro e ata o 5 de febreiro permanecerá aberta na Casa de Cultura de Mazaricos e Exposición FOTOXORNALISMO CORUÑA 2015. Unha mostra patrocinada pola Deputación da Coruña que trae a Mazaricos unha coidada selección dos traballos fotográficos dos profesionais da imaxe que desenvolven o seu labor nos xornais, revistas e gabinetes de comunicación da cidade herculina. Agora, afastadas da voraz caducidade da actualidade informativa, poderase achegar un dunha maneira máis demorada ás 23 instantáneas escollidas, froito do traballo de outros tantas fotógrafos que retratan o día a día dende estéticas e técnicas moi variadas, pero todas cuns óptimos resultados e unha inmellorable calidade.