O próximo sábado día 24 de xuño as 18:00 horas na praza do Cabo da vila de Muxía a Asociación Cultural Abaladeiras de Muxía vai celebrar o seu III Festival. Nesta festa van participar os catro grupos de pandereta e os tres de baile tradicional. Un total de 43 pandereteiras e pandereteiros e 24 bailaríns. Tamén van contar coa inestimable colaboración do Grupo folk Xaramiños do Corpiño, de Muxía. "Con esta celebración queremos poñer en valor a música e o baile tradicional, parte tan importante da nosa cultura", explícanos a Secretaria Ali Trillo. "Esperamos que, coma nos dous anos anteriores, desperte o interese tanto da veciñanza coma dos moitos visitantes que xa temos nestas datas en Muxía".

Fonte

Redacción de QPC ([email protected]).