A partir das 20:00 horas, o parque infantil de Corcubión (Campo do Rollo) acolle a gala anual que celebra a asociación Universidade Popular de Corcubión baixo o título "De Corcubión a Avión" que é o percorrido de pezas que tocarán e bailarán os distintos grupos que forman parte da entidade. A gala será conducida polo polífacético artista de Corcubión, O Titiriteiro (como profesionalmente gosta denominarse) - Borja Insua Lema -, que presentará o acto e interpretará o antropólogo musical norteamericano Alan Lomax, que estivo en Corcubión no ano 52 grabando as Xaviñanas.