Este venres arranca en Santa Comba o II ciclo de teatro que se desenvolverá ao longo de todo o mes. A compañía teatro Galileo será a encargada de abrir a mostra coa adaptación de “Cyrano” – un clásico do teatro francés – baixo a dirección de Pedro Rubín e con César Cambeiro, Ana Santos, Manuela Varela e Xosé López Baño “Tanas” no elenco. Ao día seguinte – sábado 12 – a biblioteca municipal acolle ás 11 da mañán a obra “Cervantes Vs Shakespeare” a cargo da compañía Trastenda dos Contos”. Xa o vindeiro sábado – día 19 – Luís Iglesias e Xavier Deibe protagonizarán o espectáculo “Sede de Mal” de Boneca Lareta a partir das 22 horas. O II ciclo de teatro continúa o sábado 26 será coa obra “Habemus Mama” de Teatro Proscrito e dirixida por Lino Braxe e interpretada polas actrices Isabel Blanco e Sabela Hermida. O colofón a este ciclo organizado polo departamento de cultura do concello de Santa Comba coa colaboración da Deputación da Coruña será a representación de “Roedores” da compañía Redrum Teatro, o luns 28 de novembro as 11 da mañá no edificio Multiusos de Santa Comba.